A deputada de Turismo, Nava Castro, acaba de participar en Salvaterra do Miño na mesa territorializada para a elaboración da futura Estratexia de Turismo de Galicia 2024-2030. Este encontro, convocado polo Clúster de Turismo de Galicia, é fundamental, segundo indicou Castro, “para analizar as demandas do sector turístico, recompilar opinións, detectar necesidades, analizar os retos existentes e, en definitiva, construír o estado de situación dun sector, como é o turismo, que se ten convertido nun dos grandes piares económicos de Galicia”.
A deputada provincial aproveitou a ocasión para explicar que a Deputación de Pontevedra está a traballar na elaboración dun Plan Estratéxico de Turismo: “imos traballar con forza, sen descanso, para seguir impulsando e consolidando este sector e para compartir, con todo o mundo, que Pontevedra é desfrutar! Esta é a nosa vontade”.