18.2 C
Pontevedra
Luns, 17 de Xuño de 2024
Máis
    HomeO CondadoSalvaterra de MiñoOs cursos de natación de Salvaterra preparan a súa festa de fin...

    Os cursos de natación de Salvaterra preparan a súa festa de fin de curso

    Máis de 70 persoas déronse cita este verán nos cursos de natación que organizou o Concello de Salvaterra de Miño nas piscinas municipais durante os meses de xullo e agosto. Foron dous meses de diversión e aprendizaxe a partes iguais, onde os monitores traballaron dende con nenos e nenas a partir dos 4 anos, ata adultos sen límite de idade.

    Con este tipo de actividades en grupo, tal e como explicaba a alcaldesa de Salvaterra, Marta Valcárcel, “búscase potenciar valores transversais como o é o compañeirismo, algo moi a ter en conta sobre todo na formación dos máis pequenos, ademais de facer exercicio e aprender a nadar”.

    Nos cursos os grupos foron clasificados por idades para que non houbera grandes diferencias tanto na carga como na complexidade das tarefas.

    O venres 30 de agosto, o Concello de Salvaterra ten previsto un acto de clausura no que os nenos e nenas e os maiores recibirán o seu diploma e gorro, ca cor que alcanzaron nas súas respectivas clases. Ademais durante a maña poderán gozar de xogos, música e inchables para despedir o verán xunto os seus monitores

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.