14.1 C
Pontevedra
Mércores, 21 de Febreiro de 2024
Máis
    HomeO CondadoSalvaterra de MiñoOs alumnos do CRA A Lagoa de Salvaterra visitan a nova biblioteca

    Os alumnos do CRA A Lagoa de Salvaterra visitan a nova biblioteca

    Con motivo da celebración do Día do Libro, o CRA A Lagoa organizou a semana pasada unha actividade dinamizadora da lectura, cunha saída á nova Biblioteca Municipal. Esta visita tiña o fin de que os máis cativos coñeceran as instalacións e toda a maxia que alí se concentra, sobre todo no espazo específico que este edificio ten para os máis pequenos.

    Nesta saída participaron preto de 100 nenos de entre 3, 4 e 5 anos de idade do CRA, que desfrutaron das explicacións da bibliotecaria, que de primeira man lles ensinou as instalación e o funcionamentos das mesmas.

    Ademais, tamén lles fixo os carnets de lectura ao 77 % dos pequerrechos, xa que o resto xa o tiña, co fin de motivalos e que volvan cos seus pais para seguir desfrutando da lectura e de todo o que lles ofrece este novo edificio.

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.