O Parque da Canuda en Salvaterra de Miño, unha das superficer verdes urbanas máis grandes de Galicia acollerán, os vindeiros 14 e 15 de setembro, a cuarta ‘Feira Exposición Internacional de Orquídeas’, unha iniciativa que ademáis, tal e como sinala a alcaldesa de Salvaterra de Miño, Marta Valcárcel, “contará cun amplo programa de actividades paralelas”.
A mostra, que estará instalada no xardín botánico cas orquideas, no parque xardín A Canuda, poderá ser visitado o sábado 14 de setembro de 11 h a 20 horas e o domingo, 15 de setembro, de 11 h a 19 horas.
A apertura da Feira Exposición Internacional terá lugar ás 11 horas do sábado 14 para, unha hora despois, ás 12 h ter lugar a actuación da Banda de Gaitas Pontenova.
Ás 16:30 horas, desenvolverase a primeira das conferencias que tratará sobre ‘Orquídeas nas rexións de Ecuador’. As 17:30 horas, será a quenda do teatro xa que o Circo Chosco poñerá en escea o seu espectáculo de teatro-comedia ‘Riscando o Ceo’
Para que todos e todas poidan gozar desta Feira Exposición da Orquídea, ás 19:30 horas terá lugar o primeiro sorteo de orquídeas entre os e as visitantes da feira durante ese día. A organización só entregará a cada persoa un número cada día, para participar no sorteo de 25 orquídeas.
O domingo 15 de setembro, unha vez aberta a Feira Exposición ás 11 horas, terá lugar o concerto a cargo de Julia Rodríguez, Recanteira do Luar.
As 16:30 horas impartirase a segunda das conferencias sobre as orquídeas, desta volta baixo o título de Phragmipedium e os seus híbridos.
Ás 18 horas terá lugar o segundo concerto de Julia Rodríguez para, deseguido, celebrarse o segundo sorteo de orquídeas entre os visitantes a feira.
