O pasado 26 de Xuño celebrouse en Salvaterra de Miño a terceira edición do Trofeo Salvaterra Milenaria de Grupos Show. Un total de 22 clubs de toda Galicia e case 400 patinadores, déronse cita en Salvaterra de Miño para disputar o III Trofeo Salvaterra Milenaria baixo a organización do Club Patinaxe Artistica Condado.
O prestixioso trofeo de show acolleu as categorías nacionais de grupos junior, grupos pequenos e grupos grandes e as categorías promocionais de grupos pequenos e grupos grandes.
[su_image_carousel source=”media: 39907,39908,39906,39909″ crop=”5:4″ link=”lightbox” autoplay=”0″]
O anfitrión, o Club Patinaxe Artistica Condado, fíxose coa medalla de ouro nas categorías de grupos junior e na categoría de grupos pequenos nacionais.
Nas categorías grupos grandes nacionais ouro para o Club Patín de Porriño, mentres que en grupos pequenos promocional, ouro para o Club Arealonga Chápela e en grupos grandes promocional ouro para o Club Patinaxe Artistica Gondomar.
A cita contou coa presenza da alcaldesa de Salvaterra de Miño Marta Valcárcel e do concelleiro de deportes Edgar Martínez, quen fixo entrega dos trofeos aos gañadores da edición.