O pasado venres, 5 de maio, celebrouse en Paredes (Portugal) o Campionato de Europa de Grupos Show e Cuartetos.
O CPA Condado Salvaterra, dirixido por Eduardo Caride, acudía por segunda vez xa a esta cita internacional, onde o pasado ano participou coa coreografía “Behind the skin” e este ano clasificouse 3° de España e 5º no Campionato de Europa de Forlí (Italia) na súa primeira participación internacional.
Esta tempada, o CPA Condado apostou por “35mm”, unha coreografía baseada nun curto cinematográfico. Esta corooulles como Subcampións de España e deulle de novo pase directo ao Campionato de Europa. Nunha competición de altísimo nivel, o CPA Condado conseguiu o bronce por detrás dos españois do CPA Gondomar e dos italianos Division.
CPA Gondomar e CPA Condado son os dous únicos equipos galegos que conseguiron chegar a esta cita internacional. Cabe resaltar tamén que por primeira vez na historia na modalidade de Grupos Shows, dous quipos galegos conseguen subirse a un podio nacional na mesma categoría e representar a Galicia e a España nunha cita internacional.