A alcaldesa de Salvaterra de Miño, Marta Valcárcel, vén de remitir un escrito á sucursal de ABANCA no municipio no que pide “a urxente retirada” das comisións que a entidade estalle a cobrar a súa clientela e “a reposición das mesmas”.
Valcárcel lembfa que ante a situación social e económica que se está producindo a consecuencia da COVID-19, “incrementouse o número de familias que son atendidas a través do departamento de Servizos Sociais”.
A rexedora local subliña que ante a situación de crise económica “que se prevé nos próximos meses” entende que esa entidade “debería solidarizarse coa situación que estamos a vivir e que ante as razóns sociais e económicas do momento se teña en conta a retirada e a reposición desta comisión cobrada aos nosos veciños e veciñas”.
