10.4 C
Pontevedra
Xoves, 28 de Marzo de 2024
Máis
    HomeO CondadoSalvaterra de MiñoO Concello de Salvaterra de Miño únese aos actos conmemorativos do Día...

    O Concello de Salvaterra de Miño únese aos actos conmemorativos do Día do Orgullo LGTBI

    O Concello de Salvaterra de Miño anunciou a modificación dos actos que tiñan previsto celebrarse con motivo do Día do Orgullo LGTBI, cambios motivados pola actual crise da COVID-19 e que obrigan a que as actividades programadas estean enfoncadas, principalmente, ás redes sociais.

    No mes de xuño a bandeira LGBTI estará colocada no balcón da Casa do Consistorial, un xesto co que o Concello de preside Marta Valcárcel “quere dar visibilidade a estes colectivos e reafirmarse na súa loita por unha sociedade máis xusta, igualitaria e diversa”.

    Ademais a partires deste luns ábrese o prazo para que todas as persoas poidan ser participes desta data buscando unha frase conmemorativa para colocar, na última semana, nas redes sociais e na pantalla informativa do Concello como imaxe central.

    As persoas interesadas so terán que enviar a súa frase ao enderezo de correo electrónico animación@concellodesalvaterra.org, do 8 ao 19 de xuño. As frases que se presenten non poderánexcecer os 30 caracteres.

    O Departamento de Servizos Sociais será o encargado de escoller a frase gañadora que estará exposta do 22 ao 30 de xuño nas redes sociais do Concello de Salvaterra de Miño.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.