10.8 C
Pontevedra
Martes, 19 de Marzo de 2024
Máis
    HomeO CondadoSalvaterra de MiñoNovas actividades no Centro Social do Maior en Leirado, en Salvaterra

    Novas actividades no Centro Social do Maior en Leirado, en Salvaterra

    Volven as actividades de dinamización no Centro Social do Maior, ubicado na parroquia de Leirado, en Salvaterra de Miño. Este edificio, onde se ubicaba o antigo consultorio médico, foi rehabilitado por este grupo de goberno co fin de dotar dun espazo exclusivo aos nosos maiores, un espazo onde poidan convivir, realizar actividades e socializar. Dentro desta liña de traballo o concello mantén o seu empeño e compromiso de manter e dotar de vida as instalacións públicas, e neste senso de facer desta instalación un ambiente de ocio, aprendizaxe, comunicación, socialización e outros beneficios psicosociais para @s nos@s maiores. 

    É por iso que O Concello de Salvaterra  ven de sacar un listado de novos cursos e actividades de diversa índole, que se levarán a cabo no Centro durante os meses de marzo a Decembro do 2022.

    Ximnasia, Memoria, Pilates, Internet, Restauración, Pintura, entre outr@s, son algunhas das actividades propostas para facer as ledicias d@s usuari@s deste novo espazo. 

    Para participar nas diferentes actividades ofertadas polo Concello de Salvaterra de Miño no Centro Social do Maior, só tes que inscribirte en animacionenredos@gmail.com ou no teléfono 644 896 840 / 986 658 126  ou en información no Concello.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.