18.9 C
Pontevedra
Luns, 17 de Maio de 2021
Máis
    HomeO CondadoAs NevesNa comarca do Condado, catro concellos reciben achegas da Deputación para fomentar...

    Na comarca do Condado, catro concellos reciben achegas da Deputación para fomentar a igualdade e previr as violencias machistas

    O total das subvencións supera os 21.000 euros, que irán a parar aos concellos de Mondariz, Mondariz-Balneario, As Neves e Salvaterra de Miño

    A Deputación de Pontevedra vén de conceder subvencións por un total de 21.325,31 euros a catro concellos da comarca do Condado coa fin de fomentar a igualdade de oportunidades e previr a violencia de xénero. En concreto, serán os concellos de Mondariz, Mondariz-Balneario, As Neves e Salvaterra de Miño os que se beneficien destas achegas, coas que levarán a cabo diversas accións nos seus territorios.

    Máis polo miúdo, a Mondariz irán destinados 4.626,09 euros co fin de promocionar as relacións saudables entre homes e mulleres a través de “Mondariz Concilia”, unha ludoteca para a conciliación, e “Mondariz  Coeduca”. A Mondariz-Balneario irán a parar 5.482,78 euros cos que se levarán a cabo as diferentes actividades recollidas no primeiro plan de igualdade do concello como incorporar linguaxe non sexista nos contidos web ou o desenvolvemento da escola de verán.  A Deputación de Pontevedra aprobou tamén 5.905 euros para As Neves que terán como obxecto a intervención socioeducativa para fomentar no alumnado a superación dos estereotipos de xénero e actitudes machistas. Amais, o ente provincial concedeu ao concello de Salvaterra de Miño 5.311,44 euros para a realización dun programa de prevención da violencia de xénero na Educación Primaria, as accións que se leven a cabo estarán destinadas tanto ao alumnado como ao profesorado.

    Estas axudas da Deputación de Pontevedra, destinadas a concellos de menos de 20.000 habitantes, contan na súa quinta edición cun orzamento de 230.000 euros, 10.000 máis que o pasado ano, e delas beneficiaranse 44 concellos da provincia, un máis que no 2019. O obxectivo destas subvencións é traballar en estreita colaboración cos concellos para que impulsen e realicen actuacións de cara a conseguir unha sociedade máis xusta e igualitaria e que loite contra as violencias machistas, tanto no eido da concienciación como no da formación. Esta cooperación entre institucións é fundamental ó tratarse dos niveis máis próximos á cidadanía e polo coñecemento que os concellos teñen da súa poboación.

    COLABORACIÓNS

    ¡¿Libertad?!

    Hace unas semanas decía Spain is different y hoy me vuelvo a reafirmar en lo dicho. El estado de alarma se acabó en España ante la inoperancia de nuestros políticos; todos ellos, del primero al último, me da igual el color. Nadie ha sido capaz de plantear una alternativa al mismo después de año y pico de pandemia.

    Bea Sanfa, unha visión moi persoal de plans, receitas, viaxes e moito máis

    A día de hoxe podemos dicir que contamos no noso xornal cunha nova colaboración moi interesante e auténtica a cargo da soberina Bea Sanfa. Para nós é unha ledicia poder contar con esta sección que de seguro vos axudará nestes tempos que estamos a vivir.

    Nee Barros Fernández, «Identidade»

    «Identidade» é unha peza teatral que chega a nós como o primeiro traballo de Nee Barros, e nos presenta a un autor ao que haberá que prestar atención na súa andaina polas nosas letras. Poderiamos falar, de primeiras, de que é un texto preñado de sinceridade e rotundidade, pois o título é bastante contundente e, por se houbese algúnha dúbida, leva un subtítulo aínda máis aclaratorio: «A normalidade do non-común». E tal é o alicerce sobre o que se constrúe a súa historia: a revelación da normalidade na construción dunha identidade.

    Colaboradores

    Alberto Aliaga Sola
    4 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    1 POSTS0 COMMENTS
    Manrique Fernández
    38 POSTS0 COMMENTS
    Paz de la Peña
    30 POSTS0 COMMENTS
    Roberto Mera
    1 POSTS0 COMMENTS