15 C
Pontevedra
Martes, 23 de Abril de 2024
Máis
    HomeO CondadoSalvaterra de MiñoConcello de Salvaterra e Cruz Vermella imparten unha xornada de sensibilización de...

    Concello de Salvaterra e Cruz Vermella imparten unha xornada de sensibilización de primeiros auxilios

    O pasado sábado 25 de xaneiro a Casa da Cultura de Salvaterra de Miño acolleu unha ‘Xornada de sensibilización de primeiros auxilios’ nunha iniciativa organizada dende o Concello de Salvaterra de Miño en colaboración coa Cruz Vermella.

    A experiencia foi cualificada polas persoas asistentes como de “verdadeiramente satisfactoria” e nela poideron aprender os procedementos básicos de atención ante distintos casos e situacións posibles de urxencia vital.

    “Nestas situacións de urxencia onde cada minuto conta –explicou a alcaldesa Marta Valcárcel–, é importante que todos nos conciencemos da necesidade de coñecer estes simples pero vitales mecanismos que nos permiten en moitos casos salvar vidas”. Valcárcel subliñou ademáis que, esta axuda “permite evitar futuras lesións irreversibles”.

    Marta Valcárcel adiantou a intención do Concello de Salvatera “de achegar aos seus veciños e veciñas máis xornadas destas características”, animando á cidadanía “a participar nestas actividades de gran importancia no ámbito da saúde e a seguridade”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.