10.8 C
Pontevedra
Sábado, 2 de Marzo de 2024
Máis
    HomeO CondadoSalvaterra de MiñoComezan as obras, a través do programa Rede Natura, para a creación...

    Comezan as obras, a través do programa Rede Natura, para a creación dunha área recreativa en Oleiros-Teans

    O Concello de Salvaterra de Miño ven de adxudicar as obras de creación da Área Recreativa de Teans en Oleiros, financiadas a través das axudas e inversión non produtivas vinculadas a realización de obxectivos agroambientais e climáticos en concellos incluídos en Rede Natura 2000 da  Consellería de Medio Ambiente, Territorio e Vivenda, por importe de  23.262,67€ .

    Un espazo de uso recreativo que busca potenciar os espazos naturais e que se atopa ao lado do Espazo Termal que o Concello está construíndo: unha zona de baños con catro charcas que se abastecen dende un manantial de auga quente captado a beira do río.

    Esta área recreativa busca ser un complemento a esta actuación, xa que o que pretende o Concello é implantar nunha parcela anexa de propiedade municipal, un área recreativa de 4.150m2. As accións contempladas serán a pavimentación con xabre, delimitación por un bordillo da zona, crear unha zona verde e dotar o espazo con mobiliario urbano. Esta actuación é un primeiro paso para emprender a rexeneración deste sistema natural na marxe do Río Miño e que busca ser un espazo de esparcemento para os veciños e veciñas do municipio,

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.