9.6 C
Pontevedra
Xoves, 28 de Marzo de 2024
Máis
    HomeO CondadoSalvaterra de MiñoA alcaldesa de Salvaterra supervisa o inicio das prácticas do obradoiro de...

    A alcaldesa de Salvaterra supervisa o inicio das prácticas do obradoiro de emprego sustentable

    O Concello de Salvaterra de Miño, como beneficiario do Obradoiro de Emprego Sustentable, en colaboración co Concello de Salceda de Caselas, están a levar a cabo as prácticas que se corresponden ao Certificado de Profesionalidade de Actividades Auxiliares en Aproveitamentos Forestais.

    Estas prácticas están enmarcadas no Monte Castelo, gracias a un convenio de colaboración coa Comunidade de Montes de Pesqueiras, dentro dun Proxecto Técnico de Creación dun Parque Forestal nesta contorna,  que tamén se executou en colaboración co Concello de Salvaterra a través dunha axuda da Deputación Provincial

    O obxectivo deste proxecto é traballar unhas dez hectáreas aproximadamente, con tareas de desbroce para unha posterior plantación de ao redor de 800 especies vexetais autóctonas e constituíndo deste xeito unha repoboación moi beneficiosa para o monte Salvaterrense.

    Dez serán os alumnos e alumnas que farán estas prácticas, dentro dun programa de Formación e Práctica Profesional subvencionado pola Consellería de Emprego e Igualdade da Xunta de Galicia, cunha duración de nove meses.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.