«Venres polo planeta» trasládase ao xoves 5 para actuar no monte de Prado

A actividade ‘Venres polo planeta’ do Concello de Ponteareas que busca, a través da Concellería de Mocidade que dirixe Miguel Bouzó, “cambiar o futuro indo máis aló das palabras e deseñando accións participativas”, adiántase esta vez ao xoves 5 de decembro, dada a festividade do Día da Constitución do venres 6.

Nesta ocasión todas as persoas que o desexen poderán continuar a limpeza do monte de Prado de 16 h a 18 horas. O punto de encontro será a igrexa de San Nicolao de Prado e todas e todos os interesados e interesadas tan só deberán confirmar a súa asistencia no número de teléfono 687 764 516 ou no enderezo electrónico voluntariado@ponteareas.gal

Ponteareas