O Club de Enduro/Dh de Ponteareas, Pontebike Team, participará no Campionato de España de Enduro, que se celebrará en Mugardos, A Coruña. O Club desprazarase ata a localidade Coruñesa para participar con 8 dos seus corredores nesta importante cita.
Ismael Romero (Sub23) e Marcos Estévez (Junior) participarán representando á Selección Galega de Enduro e, ámbolos dous, esperan “dar o mellor de si e deixar Galicia no caixón do pódium”.
Outros dos corredores do conxunto Pontareano, xa se atopan preparando distintas probas de nivel, como son o Campionato Galego de Enduro, a 2ª proba do Open de España de Descenso en Burgos ou a 1º do Open de España de Enduro en Castejón de Sos.
O Club ponteareán atópase tamén a pleno rendemento organizando o Campionato Galego de Descenso que terá lugar en Ponteareas o próximo mes de xullo.
Se es amante do Enduro, Dh ou Xco, non dubides en contactar co Pontebike Team para Federarte na próxima tempada no correo electrónico [email protected] ou no teléfono 653 461 257.