19.5 C
Pontevedra
Luns, 25 de Setembro de 2023
Máis
    HomeO CondadoPonteareasPonteareas xa ten equipo de enduro e descenso, o «PonteBike Team»

    Ponteareas xa ten equipo de enduro e descenso, o «PonteBike Team»

    Ponteareas é, ninguén o dubida, terra de ciclismo e de ciclistas independentemente da especialidade. Botábanse en falta, iso si, equipos e nomes nas especialidades, nada doadas, de enduro e descenso. Agora, o ‘PonteBike Team’ nace para cubrir ese espazo baleiro e, como todo o que se fai en Ponteareas, a bo seguro que o fará con nota.

    O PonteBike Team conta con diferentes categorías, dende a Junior ata os Máster, pasando pola Élite-Sub 23 e, dende as súas filas, aseguran nacer “con ambición”. Tanta, que esta mesma fin de semana dous dos seus corredores, Ismael Romero Ucha e Pablo Porto Otero, desprazaranse ata La Adrada, en Ávila, para disputar a primeira proba do Open de España de Enduro, onde esperan conseguir entrar no Top-10 da súa categoría.

    Márcanse como obxectivos desta tempada, o Open de España de Enduro, o Open de Galicia de Enduro e Descenso e tamén varias probas do Calendario Portugués de Descenso.

    Aínda que son de recente creación conseguiron o apoio de dúas empresas da zona, como son Transportes Porto Martínez e Sportskids, agradecéndolles a ambas “o apoio que lles dan a estes corredores”.

    Como non podía ser doutra maneira, no brazo do seu equipamento portan os logotipos das institucións públicas, como son Concello de Ponteareas, Xunta de Galicia, Deputación de Pontevedra e a declaración de NON á Violencia de Xénero.

    Estaremos expectantes ante a evolución deste equipo que promete dar grandes éxitos a Ponteareas e á súa xente.

    COLABORACIÓNS

    Alberto Mancebo, «O que me quedaba por dicirche»

    Poderiamos afirmar que nos últimos meses algo se está a mover na literatura galega pola aparición de novos autores que nos sorprenden gratamente pola frescura das súas propostas.

    Antón Riveiro Coello, «Hotel Carioca»

    Antón Riveiro Coello volve a demostrar a súa rara habilidade para a construción de historias nas que xoga a mantenta coas personaxes e mais co lector.

    Branca Novoneyra, «As cunchas baleiras»

    Logo dunha longa década de escrita íntima e de reflexión, Branca Novoneyra decide facer público un novo poemario de clara vocación estética e simbólica como é «As cunchas baleiras», que ela mesma concibe como unha «antoloxía» dos versos que saíron da súa pluma ao longo de todo este tempo.

    Fabio Rivas, «A pintura debida»

    Ás veces atopamos sorpresas inesperadas que nos fan sorrir e confiar na saúde da nosa literatura.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    89 POSTS0 COMMENTS
    Paz de la Peña
    42 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    8 POSTS0 COMMENTS
    Avatar
    1 POSTS0 COMMENTS