21.5 C
Pontevedra
Venres, 27 de Maio de 2022
Máis
    HomeO CondadoPonteareasPonteareas elabora un plan integral para converter a área fluvial da Freixa-San...

    Ponteareas elabora un plan integral para converter a área fluvial da Freixa-San Roque nun excepcional espazo natural e de ocio

    Ponteareas quere converter a área fluvial da Freixa-San Roque, no río Tea, nun excepcional espazo público, natural e de ocio. O Concello traballa na elaboración dun plan integral para que este amplísimo espazo acade os niveis de calidade e excelencia á altura das mellores áreas destas características existentes no país ou no norte de Portugal. Para o goberno do BNG-PSOE existe dende sempre a necesidade de valorizar este espazo, integralo e conectalo de xeito atractivo coa zona urbana e protexer os seus valores ambientais e patrimoniais. “Agora chegou o momento de facelo con rigor, estudo, planificación e con proxectos ambiciosos que convertan este lugar de enorme potencial na área fluvial de referencia no sur de Galicia”, salientou a alcaldesa, Cristina Fernández Davila.

    A rexedora lembrou que a área da Freixa-San Roque é un espazo de altísimo valor ambiental, cun interesante patrimonio cultural e arquitectónico, con enormes posibilidades para o lecer, o xogo, o deporte, o turismo ou a educación ambiental, “pero onde hai moito por facer.  Do que se trata agora é de definir con claridade como queremos que sexa nun futuro moi próximo a área da Freixa-San Roque e traballar a reo para facelo realidade nos vindeiros anos cunha boa xestión dos recursos económicos, especialmente os da Unión Europea, que Ponteareas ven aproveitando con éxito nos últimos anos”, engadiu Cristina Fernández. A alcaldesa lembrou ademais a aposta do Concello pola descontaminación do río Tea coa próxima ampliación da Estación Depuradora da Moscadeira.

    Para decidir como será ese espazo de futuro, o Concello quere contar coa opinión da veciñanza, das persoas usuarias e do sector turístico. Para iso púxose en marcha unha enquisa en liña a través da que toda a poboación poderá achegar as súas ideas e suxestións. Este proceso participativo arrancou xa coa presentación a diferentes colectivos sociais, clubs e asociacións deportivas das liñas xerais do proxecto, que suporá “un antes e un despois neste entorno natural, cunha acción que estará presidida pola protección dos valores ambientais e patrimoniais, a mellora e creación de novos espazos de ocio e deporte, a conexión atractiva e segura co centro urbano e a potenciación económica mediante a recuperación do cámping ou a mellora da praia fluvial”, destaca a concelleira de Promoción Económica, Eva Gil.

    Entre outras accións a levar a cabo, Ponteareas preparará a súa candidatura para acadar un Plan de Sostibilidade Turística en Destino, unha ferramenta do Ministerio de Industria, Comercio e Turismo coa que se busca impulsar a transformación dos destinos turísticos cara a sostibilidade. Este plan, do que se poderá beneficiar o espazo da Freixa-San Roque estará centrado na recuperación de espazos, na mellora da oferta de aloxamento e restauración, na gastronomía con produto local e na xestión do espazo e permitirá optar aos fondos europeos Next Generation para a financiación do proxecto.

    COLABORACIÓNS

    Diego Giráldez, «O meu sangue»

    Diego Giráldez regresa cunha novela bastante peculiar, que ben poderiamos considerar unha parodia do xénero negro levada a tal extremo que a piques está de se converter en si mesma nunha novela negra.

    ¡El mago de la electrónica, ha muerto!

    El personaje de la portada, es probable que a muchos lectores no le suene, quizás algunos al ver los cachibaches que está utilizando, se puedan hacer una pequeña idea, pero los seguidores de la música electrónica clásica y el Krautrock, seguro que si lo conocen perfectamente. Estamos hablando del mago de la electrónica, uno de esos pioneros que elevaron este estilo musical y la forma de hacer música al grado de celestial. Esta semana nos ha dejado el gran e inigualable, Klaus Schulze.

    Ledicia Costas, «O neno de lume»

    Ledicia Costas ten unha imaxinación poderosa e unha rara habilidade para a construción do que poderiamos chamar «relato marabilloso», ese que mistura realidade e fantasía, no que conviven persoas do común con seres sobrenaturais dotados de habilidades especiais.

    Mamá

    Cuatro letras de una de las palabras que primero aprendemos, que más pronunciamos a lo largo de nuestra vida y que más seguridad nos transmite.

    Colaboradores

    Alberto Aliaga Sola
    19 POSTS0 COMMENTS
    Bea Sanfa
    12 POSTS0 COMMENTS
    Manrique Fernández
    64 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS