16 C
Pontevedra
Domingo, 14 de Xullo de 2024
Máis
    HomeO CondadoPonteareasPonteareas aproba a liquidación da Conta Xeral do ano 2018

    Ponteareas aproba a liquidación da Conta Xeral do ano 2018

    Por segundo ano consecutivo o goberno consegue un remanente de tesourería positivo

    O goberno de Ponteareas aproba cos votos en contra da oposición a conta xeral do orzamento correspondente ao ano 2018 que obtivo un remanente positivo de tesourería de 1.933.681,65 €, conseguindo por segunda vez colocar na historia contable do concello de Ponteareas un resultado de tesourería positivo.

    En base ao informe da interventora as alegacións do Partido Popular á conta xeral do ano 2018 foron rexeitadas dando paso á aprobación destas contas que cumpren coa regra de gastos e que ademais están moi por debaixo do índice de endebedamento permitido aos concellos cun 11,4% de índice de débeda fronte ao 75% permitido pola lexislación. Ponteareas é así un dos concellos galegos con menor débeda.

    O alcalde Xosé Represas lembroulle ao Partido Popular que “tan só catro anos antes, no ano 2014, o remanente de tesourería arroxaba a cifra de máis de cinco millóns negativos”

    As contas aprobadas hoxe no pleno extraordinario serán remitidas agora ao Consello de Contas de Galicia, como órgano fiscalizador das administracións públicas.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.