Ponteareas agasalla á veciñanza co seu Calendario Galego

A partir do mércores 23 poderase recoller na Casa do Concello ou na Biblioteca Pública Municipal

O Concello de Ponteareas, como cada ano, agasalla á veciñanza co seu Calendario Galego que a partir de hoxe martes día 22 estará disponíbel para todas e todos na Casa do Concello e na Biblioteca Pública Municipal.

Neste ano tan atípico non é posíbel xuntarnos no salón de plenos para presentalo por iso as persoas interesadas poderán recollelo na entrada destes dous edificios municipais no horario habitual de apertura ao público, agás os días 24 e 31 de decembro.

Cinco mil exemplares que serán o testemuño da beleza que agochan moitos dos recunchos de Ponteareas e que acompañarán a cada mes do ano.

As casas e centros culturais contarán tamén con exemplares desta publicación do Concello de Ponteareas.

Fernando Groba, concelleiro de Lingua, convida a veciñanza a recoller o seu calendario. “O Calendario Galego de Ponteareas é moito máis ca unha enumeración de meses, é un documento no que promovemos a nosa lingua e o coñecemento dunha parte do noso patrimonio cultural e paisaxístico”.