A concellería de Deportes do Concello de Ponteareas vén de poñer en coñecemento de todos os interesados e interesadas que ata o día 10 de decembro, as e os deportistas federados de ponteareas poderán solicitar a axuda da bolsa que o Concello concede para a preparación das diferentes competicións nas que vaian participar.
Estas axudas, sinala a Concellería de Deportes, son compatibles con outras axudas públicas ou privadas que se concedan para a mesma finalidade.
As persoas interesadas poderán consultar as bases na páxina web do concello de Ponteareas na pestaña “axudas e subvencións” ou nesta ligazón.
Nahir Covelo sinalou que estas bases, publicadas xa no Boletín Oficial da Provincia (BOPPO), “subvencionarán a participación en campionatos oficiais do Estado Español ou de nivel superior, convocatorias da selección galega ou española de especialidade ou probas de nivel competitivo superior aso campionatos galegos recoñecidas pola Federación correspondente”.