Os veciños de Ribadetea amosan a súa indignación polo retraso do saneamento da parroquia.
Dende a Plataforma Veciñal de Ribadetea queren lembrarlle, unha vez máis, á Consellería de Infraestructuras e Mobilidade, que Ribadetea está dentro da Rede Natura 2000, polo que hai máis de 10 anos que deberían ter rematado as obras de saneamento das súas augas residuais.
Son, probablemente, un dos maiores núcleos de poboación rural de Galicia, con preto de 1000 persoas, que non conta con saneamento en toda a Comunidade Autónoma.
Dende a primavera de 2020 está feito o proxecto da rede de saneamento de toda a parroquia de Ribadetea, financiado por Augas de Galicia. No devandito proxecto contémplanse varias fases de execución e una valoración económica que resulta moi eficiente dada densidade de poboación de Ribadetea e a súa situación xeográfica en pendente na ladeira de un monte , ocupando a ribeira dereita do río Tea, e dicir ten un custe por habitante moi baixo para o é o medio rural en Galicia.
A empresa pública Augas de Galicia está a financiar obras de Saneamento en Salvaterra, Moraña, Tui, Soutomaior, A Estrada etc. Tal como aparece na súa páxina web, polo que non poden esquecerse de Ribadetea, xa que hai razóns económicas, técnicas, demográficas e medioambientais que avalan a reclamación dos veciños de Ribadetea.
Dende a Plataforma de Veciños de Ribadetea convidan á conselleira a visitar a parroquia para comprobar sobre o terreo a necesidade urxente de acometer as obras de saneamento na parroquia.
