O Club de Enduro/ Dh de Ponteareas, Pontebike Team, dá un paso máis no seu crecemento e para esta vindeira Tempada 2021 crea o seu Equipo de competición na Real Federación Española de Ciclismo, denominándoo Pontebike Team-Sportskids, e incorpora ao varias veces campión galego de motocrós e supercrós, Óscar Barciela Fernández.
Este é un paso máis para o Club que só ten un ano de vida, pero que conta entre os seus compoñentes con xente con experiencia máis que demostrada.
Óscar Barciela gañou o Campionato Galego de Motocrós e Supercrós nas categorías categorías 85cc e 250cc. Amais foi subcampión Nacional Portugués de Motocrós 85cc 2010; campión Nacional Portugués de Supercrós 85cc 2010, e 7º Clasificado Kawasaki Team Green Cup Copa Monomarca 2011.
Agora incorpórase ás filas do Pontebike Team despois de pasar unha tempada no Espectáculo Elekron de Macao (China), como rider. Nas filas do equipo ponteareá espera, ao igual que todos os seus compañeiros, realizar unha gran tempada 2021.
Se es amante do Enduro, Dh ou Xco, non dubides en contactar co Pontebike Team para Federarte na próxima tempada. Podes contactar co club a través do seu email [email protected] ou do teléfono 653 461 257.