22.4 C
Pontevedra
Mércores, 22 de Setembro de 2021
Máis
    HomeO CondadoPonteareasO folclore internacional volve a Ponteareas no festival “Algazara Danzando entre Culturas”

    O folclore internacional volve a Ponteareas no festival “Algazara Danzando entre Culturas”

    O evento celébrase o próximo domingo 1 de agosto no parque da Feira Vella e a reserva de entradas é gratuíta e online

    Os ritmos internacionais volverán a resoar en Ponteareas como cada verán dende 2015. O próximo domingo día 1 de agosto ás 22.00 horas o parque da Feira Vella acollerá a 7ª edición do festival “Algazara Danzando entre Culturas”, que organiza a Agrupación Folklórica Algazara xunto a concellaría de Cultura do Concello de Ponteareas.

    A entrada ao festival será libre ata encher aforo. Para poder asistir será necesario reservar entradas de maneira online como indicaron a alcaldesa, Cristina Fernández Davila, e o concelleiro de Cultura, Fernando Groba, na presentación do evento xunto aos integrantes da Agrupación Folklórica Algazara.

    A pandemia, tal e como pasou na pasada edición, complicou moito a presencia de grupos internacionais. Por iso, dende o festival, “apostouse por agrupacións de ritmos estranxeiros, pero afincadas en Galicia”, como sinalou o edil de Cultura. África estará representada polo grupo de orixe caboverdiana Batuko Tabanka, e México polo grupo Mariachi Vigo. As súas actuacións darán color a unha noite no que a música galega tamén estará presente nas notas da Agrupación Folklórica Algazara.

    Batuko Tabanka está integrado por mulleres de orixe caboverdiana afincadas na Mariña lucense. Dende a súa fundación ten o obxectivo de dignificar a cultura de Cabo Verde, e lembrar a súa orixe africana en todos os expoñentes culturais posíbeis. Na súa música destaca o batuko, un pano pregado colocado entre as pernas e que funciona como instrumento de percusión, e as súas mensaxes de respecto, e diálogo coas migracións.

    Mariachi Vigo é unha agrupación afincada en Galicia e formada por profesionais latinoamericanos con máis de 20 anos de experiencia na música. No seu amplo repertorio hai dende boleros, a polkas, pasando por pasodobres, rancheiras, serenatas… E por suposto, non faltan as pezas máis tradicionais de México.

    A Agrupación Folklórica Algaraza é un grupo xa histórico en Ponteareas. Xurdiu a finais do ano 1997, cando un grupo de amigos uniuse para formar unha asociación que recuperara e difundise o folclore tradicional de Galicia e, en concreto, da zona de O Condado. Nos seus 24 anos de historia participaron en numerosos festivais por toda a Península Ibérica. Ademais do Festival Internacional Algazara Danzando entre Culturas tamén organizan o Festival Algazara que cada outono achega a Ponteareas grupos de folclore nacional.

    Reserva de entradas

    https://www.eventbrite.es/e/entradas-festival-internacional-algazara-danzando-entre-culturas-164459618145de

    COLABORACIÓNS

    Saliente de guardia

    El volumen de la canción y un discreto codazo de mi mujer me devolvieron a la realidad. El homenajeado sonreía frente a las velas encendidas de la tarta y los invitados entonaban el 'cumpleaños feliz'. Yo tenía la mirada perdida pero, tras el aviso, me incorporé a las últimas notas y al aplauso final.

    Entrevista a Carlos García Vaso

    Escribir sobre Azul y Negro es un orgullo, ya no solo por ser parte de la historia de nuestra música (¿Quién no recuerda las melodías / himnos que hicieron para varias Vueltas Ciclistas a España?) sino por que nunca fueron de divos y siempre estuvieron cerca de sus fans. Acaban de publicar nuevo disco (el Covid los volvió a unir a la formación original) y por tal motivo charlamos con Carlos.

    ¡Indultos!

    Hace unas semanas fue la época de los indultos. Por un lado, se indultaron a los "díscolos catalanes" que quisieron "separarse de la madre patria" para ocultar las vergüenzas de tantos años de corrupción ya que, si no no se entiende. Ni historia ni, sobre todo los datos económicos, lo sostienen por ningún lado.

    Xesús Constenla, «O peso do cerebro»

    Xesús Constenla xa nos ten acostumados a unha narrativa arriscada e alonxada de tópicos, o que non deixa de ser un aliciente para calquera lector. Agora, con «O peso do cerebro», mantense firme nesta liña de traballo para adentrarse no confuso mundo de don Honorio, un vello afectado de demencia senil que un día, aproveitando un despiste da súa neta, Paula, sae da casa e vaga sen rumbo pola cidade de Barco (doadamente identificable co Ferrol natal do autor), un espazo que, coma o protagonista, coñeceu mellores tempos.

    Colaboradores

    Alberto Aliaga Sola
    12 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    4 POSTS0 COMMENTS
    Manrique Fernández
    44 POSTS0 COMMENTS
    Paz de la Peña
    34 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS