3.1 C
Pontevedra
Martes, 31 de Xaneiro de 2023
Máis
    HomeO CondadoPonteareasO Eixo Atlántico colaborará con Ponteareas na elaboración do proxecto 'De-volta á...

    O Eixo Atlántico colaborará con Ponteareas na elaboración do proxecto ‘De-volta á terra’

    O proxecto pretende optimizar a reciclaxe de residuos orgánicos, elaborar compost e empregar o excedente en hortos urbanos

    Tras a adhesión nas pasadas semanas de Ponteareas ao Eixo Atlántico do Noroeste Peninsular, a Axencia de Ecoloxía Urbana deste ente amosou o seu interese na innovadora proposta do Concello de Ponteareas para a realización dun estudo integrado do sistema de xestión de biorresiduos, polo que traballará xunto á concellería de Medio Ambiente na elaboración do proxecto ‘De-volta á terra’.

    Segundo indicou a concelleira de Medio Ambiente, Rosa Covelo, “este proxecto pretende dar cumprimento a varios obxectivos. Por unha parte, buscará ofrecer unha alternativa que optimice a valorización e/ou reciclaxe dos residuos orgánicos a partir das características territoriais e socioeconómicas propias de Ponteareas, coa finalidade de devolver a materia orgánica residual ao solo. Así mesmo, preténdese elaborar un compost urbano de boa calidade, que permitiría abonar as zonas axardinadas do concello evitando así compra dun produto que nós mesmas podemos xerar”

    Outro dos obxectivos do proxecto, segundo indicou a concelleira nacionalista, é “utilizar o excedente de compost xerado en hortos urbanos impulsados e xestionados directamente polo Concello. Prevese a creación de hortos urbanos destinados ao seu uso por parte de persoas en situación vulnerable, persoas xubiladas e cativos/as. Cos hortos urbanos conseguimos por unha banda avanzar nunha educación interxeneracional, onde maiores e cativos intercambian coñecementos e, por outra banda, todo o produto resultante do horto servirá para autoconsumo, conformando unha axuda para persoas en situación desfavorable”.

    Por último, Rosa Covelo indicou que “o programa de impulso á creación de hortos urbanos estará acompañado dun programa de formación básica en agricultura, desenvolvemento empresarial e emprendemento individual e cooperativo co obxectivo último de crear pequenas iniciativas empresariais que deberían aproveitar a posta en marcha dun banco de terra propio do Concello”.

    A xeración de residuos orgánicos converteuse nun problema para a xestión da sustentabilidade municipal co incremento da poboación e a intensificación do proceso da súa concentración en entornas urbanas. Segundo a concelleira de Medio Ambiente, “os residuos orgánicos xerados nas vivendas comunitarias, principalmente situadas no centro urbano, presentan un maior problema con respecto á xestión dos residuos das vivendas localizadas no rural. No núcleo urbano, este tipo de residuos van directamente ao caldeiro de lixo, onde a fracción orgánica representa o 40% dos residuos totais xerados”

    O 31 de decembro do 2023, todos os Concellos deben contar con sistemas de recollida separada ou reciclaxe de biorresiduos en orixe. “En consecuencia, o Concello de Ponteareas ten a necesidade de implementar un plan de recollida de residuos orgánicos que deberá conseguir a xeración de material de alto contido enerxético coa capacidade de xerar nova actividade económica, cumprindo así un dos principios da economía circular”, sinalou a concelleira nacionalista.

    O Goberno Local de Ponteareas leva anos traballando en materia de prevención de residuos, na súa reutilización e reciclaxe, para para poder camiñar de cara ao cumprimento en prazo dos obxectivos fixados na normativa europea, estatal e autonómica. Agora aumenta a súa aposta co deseño do programa “De-volta á terra”, co apoio a Axencia de Ecoloxía Urbana do Eixo Atlántico no marco do Programa Interreg V-A España-Portugal (POCTEP) 2014-2020, dadas as características innovadoras do proxecto e o enorme potencial de transferencia da iniciativa a outros municipios do Eixo Atlántico.

    COLABORACIÓNS

    Ponteareas e a filla pródiga: o novo espectáculo do Circo da Dereita

    Aínda que o pareza, non é un déjà vu, non. É real como a vida mesma. A dereita en Ponteareas regresa ao seu pasado, non sabemos se por convicción nostálxica ou, como parece máis evidente, por non atopar nada mellor que ofrecer. Se cadra, en realidade non hai tal regreso a un pasado que esa dereita nunca abandonou, por máis que durante os últimos anos algúns quixeran convencer a Ponteareas, pleno tras pleno e eleccións tras eleccións, de que aquel negro pasado nada tiña que ver con eles nin cun Partido Popular que, reescribindo a nosa historia política, tería nacido en 1998 coa chegada a Ponteareas dun Salvador chamado para redimir, como novo candidato popular, os imperdonabeis pecados orixinais da dereita ponteareán encarnada até ese momento por un alcalde orgulloso do seu pasado franquista.

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Árbol de Navidad relleno de chocolate

    Aunque estas fechas tienen sus dulces típicos, no a todo el mundo le gustan los turrones, polvorones y demás. Lo que casi con seguridad gusta a todo el mundo (y sobre todo a los peques) es el chocolate y este postre une la Navidad y el chocolate de una forma muy muy sencilla.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    77 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    6 POSTS0 COMMENTS
    Avatar
    1 POSTS0 COMMENTS