A tempada oficial en piscina rematou de xeito oficial está fin de semana coa disputa do campionato de España open Júnior-Absoluto. A piscina do CN Metropole na illa de Las Palmas de Gran Canaria acollía esta derradeira proba á que o CN Ponteareas presentaba a maior representación galega.
Dúas nadadoras, Carla Faro, nos 200 estilos e Iria González nos 200 bolboreta, e tres nadadores, Lucas Costa, Javi Alonso e Pablo Cabana, foron os competidores de Ponteareas.
Destacamos a medalla de bronce Júnior de Pablo Cabana nos 400 estilos, con mellor marca persoal que, ademáis tamén foi quen de acceder a tres finais das 4 probas nas que participaba.
En xeral, o nivel amosado polos deportistas do condado foi moi alto, e valoraron a asistencia a un evento nacional en piscina de 50 m como “unha experiencia moi proveitosa”. Abrese agora o paso ás probas en augas abertas, co seu circuito e o Campionato Galego programado para setembro en Castrelo de Miño (Ourense).