11.8 C
Pontevedra
Domingo, 24 de Outubro de 2021
Máis
    HomeO CondadoPonteareasO Club Natación Ponteareas proclámase campión galego na clasificación conxunta

    O Club Natación Ponteareas proclámase campión galego na clasificación conxunta

    O campionato galego de natación de inverno, en piscina de 25 metros, chegou co comezo de ano e disputouse do 3 ao 5 de xaneiro de 2021. Como en todas as competicións que se celebran actualmente, estableceuse un protocolo fronte á Covid-19 que obrigaba a que se celebrase sen a presenza de público.

    Para limitar aínda máis o aforo de participantes, os equipos femininos competiron nas 3 primeiras sesións mentres que os masculinos fixérono nas 3 últimas. A federación galega emitiu o evento en directo a través de youtube.

    O Club Natación Ponteareas alzouse co título de campión galego na clasificación conxunta. Na categoría masculina, o título foi para o CN Arzúa (sendo o equipo de Ponteareas o 6º clasificado) e na categoría feminina o título foi a parar a mans do C Náutico de Vigo (sendo subcampión o CN Ponteareas).

    O director técnico do club do condado, Andrés Carrera, mostrouse moi satisfeito por este campionato autonómico, sobre todo pola actitude positiva de todos os integrantes do equipo. Durante os tres días, segundo relata Carrera: “brillou un colectivo sobre as individualidades e iso faime estar moi satisfeito porque os nadadores e nadadoras viñeron a Pontevedra a bater as súas mellores marcas persoais nunha das probas máis importantes da tempada, isto demostra que teñen talento e mentalidade gañadora”.

    É de destacar, por exemplo, que por primeira vez un equipo de substitución masculina (4×200 libres) subise ao podio, cun bronce. Tamén por primeira vez o equipo feminino conseguía que todas as súas substitucións (4×50 libres, 4×100 libres, 4×200 libres, 4×50 estilos, e 4×100 estilos) subisen ao podio situándose entre os tres primeiros clubs clasificados.

    No aspecto individual, destacamos tamén as medallas de ouro e o título de campioa galega de Sofía Carballo en 50, 100 e 200 braza e Carla Faro nos 100 estilos e o título de campión galego e medalla de ouro de Pablo Cabana na 200 Bolboreta.

    Para o deporte en xeral, e para a natación en particular, é unha gran noticia que se implementaron medidas e protocolos adaptados ao contexto marcado pola Covid-19, que funcionen e que permitan desenvolver a actividade dos clubs.

    Desde o club, queren dar o parabén á Federación galega de natación e ao Club Natación Galaico, como organizadores impecables desta cita, así como aos clubs gañadores (Arzúa e Vigo) na clasificación masculina/feminina, e por suposto mostrar o orgullo por este título de campións por equipos do CN Ponteareas que fai albergar esperanzas para futuras citas, autonómicas e nacionais. Parabén a todos!

    COLABORACIÓNS

    Sentir común

    Allá por el año 2014, el lema de una gran compañía "gallega" se dejó sentir por nuestro pueblos y ciudades. Si os fijáis, lo he puesto entre comillas lo de gallega porque, de eso, lo único que tiene es el dinero de todos nosotros. Comencemos por el principio y no vamos a dar nombres porque la mayor parte de nuestros lectores ya saben o empiezan a intuir a lo que nos vamos a referir.

    Ácido y Caracola

    Todo comenzó hace muchos, muchos años, cuando Caracola aun vivía feliz, en el fondo del mar. De todas las princesas marinas que habitaban en las profundidades, ella era la más querida y la preferida de Océano, el Señor de todos los mares, y como tal, poseía todo aquello que pudiera desear

    Francisco Castro, «O cemiterio de barcos»

    Francisco Castro regresa de novo á novela xuvenil, un territorio no que xa ten demostrado que se desenvolve con soltura, para presentarnos unha narración que se move en dous planos diferentes.

    Bizcocho de plátano

    No sé si consumir plátano canario en este momento puede ser una pequeña ayuda a los palmeros que están pasando por esta situación tan dolorosa, que desde aquí cuesta imaginar; pero si con esto podemos aportar un granito de arena, lo haremos.

    Colaboradores

    Alberto Aliaga Sola
    12 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    5 POSTS0 COMMENTS
    Manrique Fernández
    46 POSTS0 COMMENTS
    Paz de la Peña
    35 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    2 POSTS0 COMMENTS