O pasado sábado día 16 de abril, dábase cita nas instalacións do campo de golf de Mondariz Balneario para presentar a nova tempada do Club Ciclista Ponteareas – Escola Borja Gómez Méndez.
Da man de Terio Carrera, como presentador desta gala, cada neno ocupaba o seu sitio no escenario, lucindo así con orgullo as cores da nova equipación para a presente tempada 2022.
A directiva, o corpo técnico do clube e o conxunto de familias que forman a escola, queren agradecer enormemente o apoio recibido de todos os patrocinadores e colaboradores, conseguindo así que o proxecto, presidido por Manuel Gregores e dirixido por Xacob Agra, siga adiante.
Nesta tempada 2022 o club conta con 64 ciclistas, nas categorías de benxamín, promesa, principiante, alevín, infantil, cadete, junior e sub-23, formada por Borja Gómez Méndez, que é o padriño da escola, ademais de todos os cicloturistas, élite e másteres que forman o Club.
[su_image_carousel source=”media: 56338,56341,56334,56333,56342,56340,56337,56335,56339,56332″ crop=”5:4″ captions=”yes” link=”lightbox” autoplay=”0″]
Unha vez máis, continuarase nesta tempada cos calcetíns desiguais e, como aliciente, as mozas do clube levan a cor morada de “non á violencia de xénero” na súa indumentaria (camisola, culott e calcetíns).
O Club organizará tres eventos esta tempada: mini BTT, pobra de estrada e ciclocrós.
Unha vez mais, o club quere agradecer a todos os patrocinadores (Servicios Logísticos Souto, Grupo Sestelo, Dafer, AXA LYNALFA Grupo Asegurador, LUSTAND Servicios Feriales, Lovecars, DARLIM, Rodosa) e colaboradores (Laureano Covelo Excavaciones y Construcciones, Panadería A Broa, Bicimecánica Toñi Porto, B. The travel brand Ponteareas, Construcciones Ikarsa, Aguas de Mondariz, Caravanas Juan, Neumáticos As Pombas, Aceroplus Impresión digital, Xunta de Galicia, Deporte Galego, Deputación de Pontevedra, Concello de Ponteareas, Galicia Saúdade, Xacobeo 21-22, Non Violencia Xénero, Floristería A Gabeta, Carcajadas Animación de Fiestas)