19.5 C
Pontevedra
Luns, 15 de Xullo de 2024
Máis
    HomeO CondadoPonteareasO Castelo de Sobroso acolle o martes o concerto de Fisión Atlántica...

    O Castelo de Sobroso acolle o martes o concerto de Fisión Atlántica Ensemble

    O Castelo de Sobroso acollerá este martes 8 de agosto un novo concerto no marco do ciclo “Música no Ar” da Deputación, que correrá a cargo da agrupación Fisión Atlántica Ensemble, formada por recoñecidos músicos das orquestras de Galicia. Na cita, para a que aínda quedan entradas dispoñibles (son gratuítas e poden reservarse en participa.cultura@depo.es), comezará ás 19:00 horas e xirará arredor da figura de Franz Joseph Haydn.

    Fisión Atlántica Ensemble está formado por Luis Soto (frauta traveseira); Nikolay Velikov (violín); Ioana Ciobotaru (viola); Álvaro Quintanilla (violoncello) e Pablo Carpintero (pipa galega). O grupo une nos seus espectáculos música e literatura, dando cabida aos compositores máis recoñecidos da historia e coa fidelidade aos textos como sinal de identidade. O espectáculo centrado en Haydn é a última aposta da formación e complétase coa publicación do libro-disco O xenio da cidade, coa colaboración de Fina Casalderrey como escritora e Xosé Cobas como ilustrador.

    Con “Música no Ar”, a Deputación de Pontevedra está a programar ao longo deste verán quince actuacións en museos, igrexas, bens do patrimonio industrial, castelos, pazos ou fortalezas. Tralo paso polo Castelo de Sobroso, a iniciativa continuará no xardín da Igrexa de San Martiño de Bueu (o día 18), na Igrexa de San Pedro de Crecente (o día 19), no Pazo Pegullal de Salceda de Caselas (o día 24) e na Igrexa parroquial de San Martiño de Forcarei (o día 27). En setembro terán lugar as dúas últimas citas do programa, cun concerto no Castelo-fortaleza de Dona Urraca en Salvaterra de Miño (o día 9) e outro no Santuario da Franqueira da Cañiza (o día 10).

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.