O Concello de Ponteareas programa unha nova sesión de ‘Cine na rúa’ para este xoves día 13 ás 22 horas na Feira Vella. O actor Amador Arias presentará o filme ‘O que arde’ do director Oliver Laxe e premio do xurado no afamado festival de Cannes. Santiago Fillol e Oliver Laxe guionizan este drama protagonizado por Amador Arias e Benedicta Sánchez.
‘O que arde’ ven avaliada por un extraordinario recoñecemento tanto dentro coma fora das nosas fronteiras. Boa proba diso é a ampla listaxe de premios e galardóns recibidos en tan só un ano.
- 2019: Festival de Cannes: Un Certain Regard – Premio do xurado
- 2019: Premios Goya: Mellor fotografía e actriz revelación. 4 nominacións
- 2019: Festival de Mar del Plata: Mellor película e guión
- 2019: Premios Feroz: 5 nominacións incluíndo a de Mellor Película e Mellor Director
- 2019: Premios Forqué: Nominada á Mellor Película
- 2019: Premios Gaudí: Mellor film europeo e fotografía
