14.7 C
Pontevedra
Mércores, 5 de Outubro de 2022
Máis
    HomeO CondadoPonteareasLuis López salienta "o traballo, a especialización e a innovación" do CIFP...

    Luis López salienta “o traballo, a especialización e a innovación” do CIFP ‘A Granxa’ de Ponteareas

    O delegado territorial da Xunta de Galicia en Pontevedra, Luis López, visitou onte o Centro Integrado de Formación Profesional (CIFP) A Granxa de Ponteareas, un dos vinte que hai en Galicia, e destacou o compromiso do Goberno galego na modernización destas ensinanzas para adaptalas ás demandas e necesidades laborais das empresas.

    O representante autonómico –que percorreu as instalacións acompañado da alcaldesa en funcións de Ponteareas, Cristina Fernández; o xefe territorial de Educación, César Pérez Ares; a tenente de alcalde Chus Garrote, e responsables do centro–, salientou o “traballo, a especialización e a innovación” deste CIFP, orientado fundamentalmente á impartición de ensinanzas relacionadas cos sectores agrario, das industrias agroalimentarias e de seguridade e medio ambiente.

    “A aposta da Xunta pola formación especializada e de calidade en aras da creación de emprego é indiscutible e evolucionou moito ao longo da última década, o que nos permite contar con institutos moi competitivos, un ensino de primeiro nivel, con prácticas que son fundamentais en moitos casos, e cunha oferta acaída e axustada ao que pide o mercado de traballo e o que necesitan as empresas”, indicou, ante o deseño dos ciclos formativos e a apertura do prazo de matrícula para o vindeiro curso 21/22.

    Ademais, Luis López explicou que a Xunta está renovando de xeito constante as modalidades de ensino segundo as demandas do mercado, o que motivou a estrea neste curso do ciclo de grao medio Aceites de oliva e Viños, que se imparte baixo o formato dual con prácticas en ata sete adegas e empresas da contorna.

    En total, o CIFP A Granxa conta, na actualidade, con 11 especialidades, que son o grao básico de Agroxardinaría e composicións florais, os graos medios de Produción agroecolóxica e Xardinaría e floraría, os superiores de Educación e control ambiental, Vitivinicultura e Xestión forestal e do medio natural, os modulares de Paisaxismo e medio rural, Vitivinicultura e Xestión forestal e do medio natural e o grao superior a distancia de Educación e control ambiental.

    O centro está considerado como unha referenza en toda España no seu ámbito formativo e dispón dunhas instalacións con máis de 80.000 m² nas que hai parcela vitícola con todas as castes galegas, parcelas de ensaios de plantacións, fincas para céspedes e estanques, máquinas e apeiros agrícolas, viveiros, invernadoiros, un pequeno embalse, adega e aulas da natureza e forestal, entre outras. “Creo que este centro é un exemplo da xestión da Xunta de Galicia e do traballo da súa comunidade educativa posto que ofrece unha formación moi específica e de calidade, orientada neste caso ao sector primario, que se adapta perfectamente ao que demanda o mercado”, concluíu o delegado territorial.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS