16.6 C
Pontevedra
Venres, 14 de Xuño de 2024
Máis
    HomeO CondadoPonteareasFalece un home en Ponteareas ao incenciarse a caseta na que vivía

    Falece un home en Ponteareas ao incenciarse a caseta na que vivía

    Un home faleceu na mañanciña de onte en Ponteareas, logo de que se incenciara a caseta na que vivía e que estaba acondicionada como vivenda. O feitos aconteceron cara ás 00:45 horas do 2 de marzo, cando un particular chamaba ao 112 Galicia para pedir axuda indicando que ardía unha caseta en Costa de Sequeiros, na parroquia de Guláns, e que no seu interior había unha persoa.

    Os bombeiros de Ponteareas deprazáronse ao lugar dos feitos ao mesmo tempo que as urxencias sanitarias. Extinguido o lume, os bombeiros de Ponteareas confirmaron que a caseta ardera na súa totalidade e no interior da mesma, atopouse o corpo dun home completamente calcinado. Os servizos sanitarios, que nada puideron facer no caso do falecemento, si tiveron que intervir para atender a dúas persoas que tiveron que ser atendidas no mesmo punto ao sufrir unha crise de ansiedade.

    De momento, descoñécense as causas que orixinaron o incendio que están sendo investigadas polas autoridades competentes.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.