O próximo Domingo día 29 de Setembro celebrase a ‘XII Limpeza simultánea de Ríos en toda Galiza’ e, como o vén facendo case que dende o comezo desta iniciativa, ‘Defendendo o Tea’, en colaboración co ‘Proxecto Ríos’ de Adega, mollarase unha vez máis polo río e polo medio ambiente.
Tal e como lembra ‘Defendendo o Tea’ “nestes once anos levamos retirado centos de rodas, plásticos, sofás, vallas e ferralla diversa” e para iso contaron coa colaboración de moitos veciños e veciñas concienciados co medioambiente.
Un año mais estarán aí, ao pe do cañón, tentando arranxar o que un grupo de descerebrados –poucos pero moi molestos– estragan tentando converter os nosos espazos naturais, neste caso os nosos ríos, en vertedoiros de lixo.
O labor voluntario, sacrificado e altruísta de colectivos como Defendendo o Tea e da veciñanza cívica e responsable que colaboran con eles, son a mellor mostra de que aínda hai esperanza para o noso medio ambiente.
Así que, para quen quera colaborar nesta labor, o punto de encontro será na Moscadeira, a carón da depuradora, as 9:30 da maña. Para calquera información ou aclaración, interesados e interesadas poden chamar ao teléfono 696 65 50 89.
Defendendo o Tea quere destacadr a colaboración, un ano máis, do Concello de Ponteareas con Adega, “e con nós mesmos coa recollida da basura retirada”. Así que o domingo, animan, “todos a molllarse polo río Tea”.
