A auditorio municipal de Ponteareas acolle mañá sábado ás 20:30 horas, a representación da obra de teatro ‘Casa O`Rei’ de Ibuprofeno Teatro, un espectáculo escrito e dirixido por Santiago Cortegoso galardoado co premio ‘María Casares’ nas categorías de mellor actor protagonista e música orixinal.
As entradas poderán ser adquiridas de 11 a 14 horas e de 18:30 a 20:30 horas na billeteira do auditorio municipal.
O concelleiro de Cultura, Fernando Groba, sinala que esta “é unha das obras programadas no marco do convenio con AGADIC para este primeiro semestre do ano que suma un total de 17.460 €, financiados entre o concello e AGADIC, dependente da Xunta de Galicia, e que vén a reforzar a programación cultural estable e de calidade ofertada nos últimos anos”.
Dentro deste ciclo de actividades programado con AGADIC o público tamén poderá desfrutar do espectáculo ‘Ser e Terra’ de Nova Galega de Danza, da obra ‘Loló e Mamá’ de De Ste Xeito Produccións e de ‘Senior’ de Culturactiva.
