23.5 C
Pontevedra
Sábado, 13 de Xullo de 2024
Máis
    HomeO CondadoPonteareasAs incidencias na vía pública poderán xestionarse a través dunha APP

    As incidencias na vía pública poderán xestionarse a través dunha APP

    O Concello de Ponteareas anunciou a posta en funcionamento da aplicación para a xestión de incidencias municipais encadrada dentro da estratexia ‘Ponteareas, Hábitat Saudable’ financiada cos fondos europeos de desenvolvemento rexional. A nova aplicación de incidencias permitirá á cidadanía transmitir e demandar reparacións e problemas sen ter que achegarse físicamente á ventanilla do rexistro para solicitalo. “Tan sinxelo como comunicarse por teléfono móbil directamente coa administración”, sinalan dende o Concello ponteareán.

    A implantación deste software, que xa se testeou de xeito interno, comeza a funcionar mañá xoves dous de maio para as xestións relacionadas co servizo de recollida de lixo e medio ambiente para ir abríndose nos vindeiros meses a novos servizos. Deste xeito calquera cidadán pode comunicar e adxuntar fotografías das incidencias desta área de xeito totalmente gratuíto e inmediato.

    Esta APP terá capacidade para xestionar e diferenciar todo tipo de incidencias (desperfectos na vía pública, vertedoiros, recollida de lixo, desabroches, iluminación, etc.) e irá sendo progresivamente implantada en novas áreas.

    Intuitiva e de doado manexo tan só hai que entrar na app store ou no play store e descargar e instalar GECOR, rexistrarse e seleccionar “concello de Ponteareas”. Esta APP, que permite tamén o seguemento da incidencia, inclúe unha aplicación web para a xestión global e unha app móbil para os operarios do concello ou das súas subcontratas coa que xestioar as incidencias e tamén enviar arquivos fotográficos que estarán operativas nunhas semanas.

    sdr

    Este novo servizo que mellorará a atención e a resolución das obras é compatible con navegadores Firefox, Chrome, etc.

    O alcalde de Ponteareas, Xosé Represas, explica que guiará o futuro de Ponteareas “para converter a vila nun espazo saudable, sostible, dixital, moderna e que permita a convivencia e a participación cidadá “cun simple teléfono móbil pódese enviar a imaxe da incidencia ao consistorio”.

    O concelleiro de Novas Tecnoloxías, Benito Márquez, explicou que se porá a disposición do cidadán “unha ferramenta de fácil acceso, inmediata e áxil que reduce os trámites burocráticos”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.