17.6 C
Pontevedra
Luns, 15 de Abril de 2024
Máis
    HomeO CondadoPonteareasAs alumnas do obradoiro de emprego 'Coidar de Nós II' de Ponteareas,...

    As alumnas do obradoiro de emprego ‘Coidar de Nós II’ de Ponteareas, inician o seu período de prácticas

    As alumnas da especialidade de Atención Socio Sanitaria a Persoas Dependentes en Domicilios e Institucións Sociais do obradoiro de emprego “Coidar de Nós II”  do Concello de Ponteareas, iniciaron as prácticas formativas no Complexo Residencial de Atención a Persoas Dependentes de Vigo durante os días 3 a 14 de agosto 2020.

    A concelleira de Formación e Emprego, Vanesa Fernández, desexoulles “un bo período nesta etapa da súa formación” agarando que “adquiran os coñecementos precisos para complementar a teoría impartida durante o obradoiro”.

    Fernández lembrou que esta especialidade ten acadado ata o 100 % de inserción laboral nos anos anteriores e recoñece a “importante labor que desempeñan estas profesionais ao facerse cargo do coidado diario dos nosos maiores”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.