«Aprender máis alá dos exames» coa doutora Thais Pousada

A concelleira Ensino e Participación Cidadá, Cristina Fernández, convida a toda a mocidade a tomar un café coa doutora en ciencias da saúde, a ponteareá Thais Pousada, e falar de como aprender máis alá dos exames. A cita será no Teatrovar ás 12 horas deste sábado 9 de marzo.

Para que os coñecementos sexan moito máis que un trámite para superar etapas educativas, Thais Pousada en colaboración coa concellería pretende espertar a curiosidade pola aprendizaxe e polos coñecementos que ao longo da nosa vida profesional e persoal serán de grande utilidade.