13.7 C
Pontevedra
Mércores, 22 de Maio de 2024
Máis
    HomeO CondadoPonteareasAlfonso Pexegueiro presenta o seu novo poemario no Auditorio Municipal de Ponteareas

    Alfonso Pexegueiro presenta o seu novo poemario no Auditorio Municipal de Ponteareas

    O acto será o sábado 25 ás 18.30 horas con entrada de balde ata completar aforo

    O escritor de Angoares, Alfonso Pexegueiro, compartirá os versos do seu novo poemario “Rizo y Riza. Un brindis por la duda” cos veciños de Ponteareas o vindeiro sábado ás 18.30 horas no Auditorio Municipal.

    A presentación pecharase cunha pequena actuación do grupo PÄRBO, con Begoña Riobó ao violín e Anxo Pintos á zanfona. A entrada é de balde ata completa aforo e concelleiro de Cultura, Fernando Groba, anima a veciñanza a asistir para “dialogar de literatura cun poeta do que estamos moi orgullosos”.

    Alfonso Pexegueiro iniciou a súa actividade literaria en Galicia no ano 1975 coa creación do Grupo de Comunicación Poética “Rompente”. O ano seguinte comezou traballar na redacción da revista infantil e xuvenil Vagalume e en 1980 uniuse á Asociación de Escritoras-es en Lingua Galega, foi o seu secretario ata xuño de 1985. Como secretario da AELG coordinou a revista Escrita e impulsou o I Congreso de Escritores en Lingua Galega, así como o Galeusca, Encontros de Escritores vascos, cataláns e galegos, deu numerosos recitais de poesía e colaborou en prensa con artigos de opinión, e sobre arte e literatura. Na actualidade xa conta con cerca de vinte obras publicadas, tanto de poesía como de narrativa.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.