15.8 C
Pontevedra
Domingo, 16 de Maio de 2021
Máis
    HomeO CondadoPonteareasA Policía Local inspecciona a venda ambulante e detecta unha trintena...

    A Policía Local inspecciona a venda ambulante e detecta unha trintena de infraccións

    Os axentes denunciaron e obrigaron a desmontar 7 postos ilegais mentres que outros 14 foron denunciados por non ter visíbel a autorización municipal

    A Policía Local desenvolveu o pasado sábado un amplo operativo de inspección da venda ambulante na feira de Ponteareas detectando preto dunha trintena de infraccións que foron obxecto da correspondente denuncia.

    A concellería de Bo Goberno que dirixe Roberto Mera é a competente en materia de ocupación da vía pública con actividades como a venda ambulante ou as terrazas de hostelaría. Segundo o edil nacionalista “as inspeccións pretenden asegurar que a venda ambulante se exerza respectando as normas que a regulan, pois só dese xeito se garante unha competencia leal entre os propios vendedores ambulantes e co comercio local”.

    A meirande parte das infraccións, un total de 14, refírense ao incumprimento da obriga de exhibir no posto a tarxeta coa autorización municipal. Esta obriga pretende facilitar o control da venda ambulante evitando a presenza de vendedores non autorizados e que as persoas consumidoras dispoñan tamén da información que identifica ao titular do posto. Os postos que incumpriron esta obriga enfróntanse a unha sanción de entre 50 e 100 euros.

    Ademais, a Policía Local detectou 7 postos ilegais de venda ambulante, que exercían a actividade sen ningunha clase de autorización municipal. Trátase na meirande parte dos casos de vendedores que, aproveitando a ausencia doutros autorizados, ocupan os seus lugares de maneira irregular. Os responsabeis foron obrigados a desmontar os postos e ademais foron denunciados.

    Por outra banda, abrirase expediente a outros catro postos máis nos que co consentimento dos seus titulares exercían a venda ambulante persoas non autorizadas. Neste caso os infratores enfróntanse a unha sanción de até 200 euros.

    Por último un vendedor foi denunciado por carecer da máscara e outro por cambiar a ubicación do seu posto sen autorización.

    Roberto Mera adiantou que as inspeccións serán habituais a partires de agora e se ampliarán a outros aspectos como a comprobación de que os vendedores están dados de alta na seguridade social e co pagamento das súas cotas ao día.

    COLABORACIÓNS

    ¡¿Libertad?!

    Hace unas semanas decía Spain is different y hoy me vuelvo a reafirmar en lo dicho. El estado de alarma se acabó en España ante la inoperancia de nuestros políticos; todos ellos, del primero al último, me da igual el color. Nadie ha sido capaz de plantear una alternativa al mismo después de año y pico de pandemia.

    Bea Sanfa, unha visión moi persoal de plans, receitas, viaxes e moito máis

    A día de hoxe podemos dicir que contamos no noso xornal cunha nova colaboración moi interesante e auténtica a cargo da soberina Bea Sanfa. Para nós é unha ledicia poder contar con esta sección que de seguro vos axudará nestes tempos que estamos a vivir.

    Nee Barros Fernández, «Identidade»

    «Identidade» é unha peza teatral que chega a nós como o primeiro traballo de Nee Barros, e nos presenta a un autor ao que haberá que prestar atención na súa andaina polas nosas letras. Poderiamos falar, de primeiras, de que é un texto preñado de sinceridade e rotundidade, pois o título é bastante contundente e, por se houbese algúnha dúbida, leva un subtítulo aínda máis aclaratorio: «A normalidade do non-común». E tal é o alicerce sobre o que se constrúe a súa historia: a revelación da normalidade na construción dunha identidade.

    Colaboradores

    Alberto Aliaga Sola
    4 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    1 POSTS0 COMMENTS
    Manrique Fernández
    38 POSTS0 COMMENTS
    Paz de la Peña
    30 POSTS0 COMMENTS
    Roberto Mera
    1 POSTS0 COMMENTS