14.9 C
Pontevedra
Venres, 20 de Maio de 2022
Máis
    HomeO CondadoPonteareasA aula CeMIT de Ponteareas pechou o 2021 cun cento de cursos...

    A aula CeMIT de Ponteareas pechou o 2021 cun cento de cursos e máis de 950 horas de formación

    Adaptada á realidade sanitaria, con prazas presenciais e en liña, a aula acolleu alumnado de entre 8 e 80 anos

    A aula CeMIT de Ponteareas continuou durante todo o 2021 coa súa aposta pola formación en novas tecnoloxías. Adaptada á nova situación sanitaria, dende o pasado mes de febreiro o centro ofertou case un cento de cursos de balde de temáticas variadas dirixidos a todos os sectores da poboación, máis de 950 horas de formación presencial e en liña.

    Con estas iniciativas o Concello busca “promover a inclusión no uso das novas tecnoloxías, ofrecendo os coñecementos e ferramentas necesarias para que persoas de todas as idades poidan desenvolverse cun ordenador ou un dispositivo móbil”. “Queremos derrubar estereotipos e espertar vocacións entre a mocidade, pero tamén prestar especial atención aos colectivos máis afectados pola fenda dixital”, salienta o concelleiro de Innovación e Desenvolvemento Tecnolóxico, Benito Márquez.

    Neste sentido, a aula CeMIT contou con participantes dende os 8 aos 80 anos que puideron gozar de cursos con contidos adaptados a cada perfil de idade e tamén de coñecementos. O edil fai un balance “moi positivo” do último ano, no que 500 persoas participaron de xeito directo nas accións formativas e no que se rexistraron 150 novas altas de usuarios e usuarias na aula.

    Entre as accións con máis horas formativas atópanse os cursos relacionados cos dispositivos móbiles, con 24 accións e 253,8 horas dirixidas a persoas sen coñecementos previos. Ademais, desenvolvéronse outras 29 accións cun total de 226,3 horas relacionadas con imaxe, audio e vídeo para usuarios e usuarias con capacitación dixital avanzada. Durante todo este ano tamén se realizaron actividades formativas relacionadas coa formación dixital básica, coa busca de emprego, a Administración electrónica, as redes sociais ou a ofimática, entre outras. Pero sen dúbida o que gañou maior protagonismo foi o móbil e aprender a usalo e a sacarlle partido nun momento de restrición de contactos persoais.

    Dada a alta incidencia da pandemia a inicios de 2021, de febreiro a maio a aula CeMIT adaptou a formación a clases en liña abertas a persoas de toda a comunidade autónoma, volvendo a formación presenciar na aula en setembro. “A aula de Ponteareas foi unha das poucas CeMIT de Galicia que mantivo a formación a través das clases en liña durante o período de restricións de mobilidade. Para nós foi un orgullo saber adaptarnos ás circunstancias variables que ía traendo a situación sanitaria e tamén ás necesidades da veciñanza, xa que había persoas que demandaban unha situación presencial ao non ter o equipamento axeitado, coñecementos ou simplemente por preferencia”, destaca Márquez.

    Durante o 2021 a aula CeMIT tamén colaborou coa Asociación de Maiores de Ponteareas na realización de actividades e participou no programa promovido por AMTEGA en colaboración coa Asociación Galega de Software Libre (AGASOL), a través do que se organizaron obradoiros de STEAM para os máis pequenos e pequenas. A aula volverá retomar a súa actividade en breve.

    COLABORACIÓNS

    ¡El mago de la electrónica, ha muerto!

    El personaje de la portada, es probable que a muchos lectores no le suene, quizás algunos al ver los cachibaches que está utilizando, se puedan hacer una pequeña idea, pero los seguidores de la música electrónica clásica y el Krautrock, seguro que si lo conocen perfectamente. Estamos hablando del mago de la electrónica, uno de esos pioneros que elevaron este estilo musical y la forma de hacer música al grado de celestial. Esta semana nos ha dejado el gran e inigualable, Klaus Schulze.

    Ledicia Costas, «O neno de lume»

    Ledicia Costas ten unha imaxinación poderosa e unha rara habilidade para a construción do que poderiamos chamar «relato marabilloso», ese que mistura realidade e fantasía, no que conviven persoas do común con seres sobrenaturais dotados de habilidades especiais.

    Mamá

    Cuatro letras de una de las palabras que primero aprendemos, que más pronunciamos a lo largo de nuestra vida y que más seguridad nos transmite.

    Brillante papel do CN Ponteareas nos campionatos de España de Torremolinos

    Torremolinos, en Málaga, foi a sede do XXII campionato de España “Open” Absoluto–XXXVIII Campionato de España júnior, que se disputou en piscina de 50 metros do 9 ao 13 de abril. O evento congregaba aos principais nadadores e nadadoras nacionais e foi retransmitido en directo pola canle Teledeporte.

    Colaboradores

    Alberto Aliaga Sola
    19 POSTS0 COMMENTS
    Bea Sanfa
    12 POSTS0 COMMENTS
    Manrique Fernández
    63 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS