15.8 C
Pontevedra
Luns, 29 de Maio de 2023
Máis
    HomeComarcasA ParadantaOs GDRs Eurural e Condado Paradanta organizan tres cursos centrados na gandería

    Os GDRs Eurural e Condado Paradanta organizan tres cursos centrados na gandería

    Por primeira vez dous grupos de desenvolvemento rural veciños ofertan accións formativas conxuntas

    Por primeira vez, dous grupos de desenvolvemento rural veciños únense para levar a cabo accións formativas de xeito conxunto. Os GDRs Eurural e Condado Paradanta veñen de poñer en marcha tres cursos de balde centrados na gandería que se celebrarán ao longo dos meses de outubro e novembro en tres municipios de ambos territorios: Tomiño, Fornelos de Montes e Ponteareas.

    Sandra González, presidenta de Eurural e alcaldesa de Tomiño, e Juan Pablo Castillo, presidente do GDR Condado Paradanta e rexedor de Covelo, presentaron este venres estes novos cursos cos que os grupos de desenvolvemento rural buscan seguir traballando para contribuír a un maior desenvolvemento e crecemento da economía local. Os cursos, organizados en colaboración coa Axencia Galega de Calidade Alimentaria e Beealia, van dirixidos a gandeiros e gandeiras para a súa formación continua.

    González salientou “a importancia de establecer colaboracións entre territorios veciños con moitos aspectos en común, unha cooperación que continuaremos impulsando”. Unha idea que ratificou Castillo, quen asegurou que se trata “dun primeiro paso, xa que seguiremos realizando xuntos novos proxectos”.

    Tres accións formativas

    O primeiro curso celebrarase os vindeiros 24 e 25 de outubro e estará centrado na ‘Iniciación e mellora da gandería de vacún de carne’. A acción formativa será de 09.00 a 14.00 horas na Aula Temática da CMVMC de Pinzás, en Tomiño. O obxectivo do curso é achegar os coñecementos básicos para iniciar unha gandería deste tipo ou de revisar e establecer estratexias de produción reais e con perspectiva de futuro para as persoas que xa as teñan. Repasaranse as principais áreas de coñecemento da gandería e realizarase unha visita de campo para a posta en práctica de todo o aprendido.

    Do 8 ao 10 de novembro a actividade formativa trasládase a Aula da Comunidade de Montes de As Estacas, en Fornelos de Montes. Durante as sesións, de 09.00 a 14.00 horas, as persoas participantes afondarán sobre a convivencia e prevención de ataques de lobos á gandería. Será un curso participativo co que se busca coñecer as ferramentas dispoñibles para evitar ataques, analizando a situación do lobo en Galicia, os mitos, as medidas preventivas eficaces, o seu financiamento e a súa situación a nivel europeo. A formación rematará cunha práctica de campo sobre a realización correcta de peches de diversos tipos para a protección do gando.

    A actividade rematará en Ponteareas cun curso de ‘Iniciación e mellora de gandería de ovino e cabrún’ do 15 ao 19 de novembro. Tamén de 09.00 a 14.00 h no Centro Cultural Irmáns Barcia, en Padróns, as e os participantes aprenderán as nocións básicas para iniciar unha gandería deste tipo, tanto de carne como de leite, ou poderán establecer estratexias de futuro en caso de xa dispoñer dunha. Razas, sistemas de cría, comercialización, manexo da reprodución, pastos, cambio climáticos, análise económico… serán algún dos aspectos nos que se afondará durante as sesións.

    As persoas interesadas poderán inscribirse xa a través dos formularios habilitados.

    COLABORACIÓNS

    Aperitivos de hojaldre sin gluten

    Mayo es el mes de las personas celíacas. El día 16 se celebró el Día Internacional de la Enfermedad Celíaca y hasta este año, el 27 de mayo se celebraba en España el Día Nacional (este año nos unimos al resto de los países y lo celebramos el día 16).

    Ponteareas diante das eleccións (II): a Xeración do cambio, un recordo para que a Historia non se repita

    “De onde vimos? quen somos? onde imos?”. O título do cadro de Paul Gauguin e a letra da coñecida canción de Siniestro Total son interrogantes filosóficos que, aplicados ao mundano proceso electoral no que estamos inmersos, serven para lembrarnos que os procesos histórico-políticos son dinámicos e, polo tanto, teñen unha xénese no pasado que explica un presente que, á súa vez, condicionará o futuro decorrer dos acontecementos. A recente historia de Ponteareas non é unha excepción e, a poucos días das eleccións municipais, convén lembrala para non estar condenados a repetila.

    Ponteareas diante das eleccións (I): David contra Goliat e a utopía feita realidade

    Botando unha ollada atrás un non pode deixar de sorprenderse da rapidez coa que transcorre o tempo e a vida. Unha velocidade vertixinosa que tamén acompaña aos acontecementos e procesos sociais e políticos e que explica a facilidade coa que a sociedade pode esquecer tan axiña o seu pasado e, sobre todo, en política, ignorar de onde vimos, onde estamos e cara onde nos diriximos. Esquecemento dos que viviron eses procesos, mais tamén descoñecemento comprensíbel por razóns biolóxicas e xeracionais dos que daquela non naceran ou eran uns cativos.

    “The Last Of Us”

    Hace unos días, terminé de ver la primera temporada de la serie "The Last Of Us", una serie basada en la historia de un videojuego inspirado en un mundo apocalíptico.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    83 POSTS0 COMMENTS
    Paz de la Peña
    42 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    8 POSTS0 COMMENTS
    Avatar
    1 POSTS0 COMMENTS