23.6 C
Pontevedra
Luns, 5 de Xuño de 2023
Máis
    HomeO CondadoMondarizO Trail Orixes Mondariz aspira a superar as 600 persoas inscritas na...

    O Trail Orixes Mondariz aspira a superar as 600 persoas inscritas na súa quinta edición

    O Goberno municipal, xunto a representantes da Asociación Deportiva Mondariz, presentou este venres 21 de abril o V Trail Orixes Mondariz, unha carreira de montaña que se consolida ano a ano e atrae a decenas de participantes de Galicia e fóra de Galicia. Nesta quinta edición, programada para o sábado 6 de maio, a organización aspira a superar as 600 persoas inscritas. “A día de hoxe levamos 576 inscritos nas diferentes categorías. As prazas da distancia curta de Minitrail esgotáronse hai 15 días, e do Trail a semana pasada”, afirma Sebas Lourenzo, da Asociación Deportiva Mondariz. 

    O V Trail Orixes Mondariz, que abriu o prazo de inscrición o pasado 15 de febreiro, preséntase este ano cheo de novidades. Ademais das tradicionais categorías de Minitrail (14 km), Trail (26 km) e Maratón (40 km), a organización repite coa exixente Ultra (60 km), inclúe por primeira vez a cativos/as de 3 a 13 anos no Pequetrail e introduce a categoría non competitiva de Andaina (13 km). As inscricións deben realizarse na plataforma www.empa-t.com até o 1 de maio, ás 23:59 h. Nas categorías de Minitrail (14 km) e Trail (25 km), as 350 prazas dispoñibles están esgotadas desde hai días, mais a organización habilitou na mesma plataforma a opción de inscribirse nunha lista de agarda para optar a prazas vacantes de última hora. 

    Outra das novidades deste ano é que as distancias de Ultra (60km) e Maratón (40km) van ser homologadas pola Federación Galega de Montañismo, acción que recoñece o traballo da organización na selección de trazados. O ritmo de inscrición nestas dúas categorías, con 100 prazas dispoñibles cada unha, tamén vai mellor do previsto. Na distancia Ultra (60km) cóntanse 53 persoas inscritas, mentres que na de Maratón (40km) hai 69 cando faltan 10 días para que remate o prazo de inscrición.

    Tamén quedan prazas nas novas categorías de Pequetrail e Andaina (13km). O Pequetrail, que terá lugar o mesmo día 6 de maio pola tarde, consta de varias distancias en trazado semiurbano: Xabarín, de 1.500, para nenos e nenas de 10 a 13 anos; Raposo, de 800m, para idades de entre 6 e 9 anos; e Esquío, de 100m, para meniños e meniñas de 3 a 5 anos. Trátase dunha proba gratuíta, pero requírese igualmente inscrición na plataforma www.empa-t.com dentro do prazo establecido. A categoría de Andaina (13km) está concebida como unha proba non competitiva para desfrutar da contorna natural de Mondariz.

    O Goberno municipal de Mondariz apoia esta carreira desde os seus inicios. Nos últimos anos, a pesar de que a pandemia obrigou a suspender esta actividade nos anos 2020 e 2021, o Trail Orixes Mondariz recuperou e mesmo incrementou o seu atractivo entre as persoas afeccionadas á montaña. O ano pasado houbo máis de 400 participantes, e nesta quinta edición hai previsións de chegar ás 600 persoas inscritas. “Temos participantes de toda Galicia, pero tamén de Portugal, Francia e diferentes comunidades españolas, como Asturias, Castela e León e Madrid, entre outras”, afirma Lourenzo.

    O percorrido volverá ser circular, con saída e chegada na praza de España de Mondariz. Discorrerá por Riofrío, Aboal, Festín, Gargamala, Caxil, Vidueiros, Foxo do Lobo de Estacas, Lago de Piñeiro, Caxil (Mosteiro de San Xoan), Sabaxáns, Cernadela e Mondariz, con diversos controis que están especificados nas bases de participación. O día 5 de maio convocarase ás persoas participantes a unha charla técnica.

    COLABORACIÓNS

    Pilar Pallarés, «Unha boa gatucada!»

    A primeira incursión de Pilar Pallarés na literatura infantil e xuvenil resultou ser unha grata sorpresa, unha colección de poemas (en realidade un longo poema narrativo fragmentado), que ten como protagonistas un grupo de gatos que conviven cunha humana.

    Aperitivos de hojaldre sin gluten

    Mayo es el mes de las personas celíacas. El día 16 se celebró el Día Internacional de la Enfermedad Celíaca y hasta este año, el 27 de mayo se celebraba en España el Día Nacional (este año nos unimos al resto de los países y lo celebramos el día 16).

    Ponteareas diante das eleccións (II): a Xeración do cambio, un recordo para que a Historia non se repita

    “De onde vimos? quen somos? onde imos?”. O título do cadro de Paul Gauguin e a letra da coñecida canción de Siniestro Total son interrogantes filosóficos que, aplicados ao mundano proceso electoral no que estamos inmersos, serven para lembrarnos que os procesos histórico-políticos son dinámicos e, polo tanto, teñen unha xénese no pasado que explica un presente que, á súa vez, condicionará o futuro decorrer dos acontecementos. A recente historia de Ponteareas non é unha excepción e, a poucos días das eleccións municipais, convén lembrala para non estar condenados a repetila.

    Ponteareas diante das eleccións (I): David contra Goliat e a utopía feita realidade

    Botando unha ollada atrás un non pode deixar de sorprenderse da rapidez coa que transcorre o tempo e a vida. Unha velocidade vertixinosa que tamén acompaña aos acontecementos e procesos sociais e políticos e que explica a facilidade coa que a sociedade pode esquecer tan axiña o seu pasado e, sobre todo, en política, ignorar de onde vimos, onde estamos e cara onde nos diriximos. Esquecemento dos que viviron eses procesos, mais tamén descoñecemento comprensíbel por razóns biolóxicas e xeracionais dos que daquela non naceran ou eran uns cativos.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    84 POSTS0 COMMENTS
    Paz de la Peña
    42 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    8 POSTS0 COMMENTS
    Avatar
    1 POSTS0 COMMENTS