22.5 C
Pontevedra
Luns, 15 de Abril de 2024
Máis
    HomeO CondadoMondarizMondariz organiza unha charla coloquio sobre os danos do xabarín nos cultivos

    Mondariz organiza unha charla coloquio sobre os danos do xabarín nos cultivos

    O Concello de Mondariz, a través da Concellería de Desenvolvemento Económico e Turismo que xestiona o alcalde Xosé Emilio Barros, orzaniza este sábado, 21 de setembro, unha conferencia coloquio sobre os danos do xabarín nos cultivos que terá lugar ás 21 horas na Biblioteca Pública Municipal ‘Xoan Xosé Pérez Labaca’.

    Na charla participarán Manuel da Cal, coordinador da Federación Rural Galega (FRUGA), e o propio Barros, como alcalde e concelleiro de Desenvolvemento Económico e Turismo de Mondariz. Ao longo do encontro expoñerase a situación actual do xabarín nos montes galegos, afondando nas causas da excesiva poboación de porcos bravos e na incidencia que ten isto na actividade agraria.

    Tamén se facilitará información práctica sobre as indemnizacións que se poden solicitar desde o sector en caso de sufrir danos de xabarín en cultivos.

    Un dos obxectivos do actual goberno municipal de Mondariz é loitar contra a despoboación no rural e pór en valor o sector primario. Para Barros, “é fundamental organizar actividades formativas e informativas que propicien un desenvolvemento económico de longo alcance. Mondariz ten moitas posibilidades en turismo rural e en áreas como a producción agraria e gandeira de calidade, cada vez máis revalorizadas”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.