10.8 C
Pontevedra
Sábado, 2 de Marzo de 2024
Máis
    HomeO CondadoMondarizAporM lamenta que o Goberno de Mondariz impoña unha nova taxa "co...

    AporM lamenta que o Goberno de Mondariz impoña unha nova taxa “co apoio da dereita”

    Segundo a concelleira Móniba Peralba, a suposta “mala situación económica só é unha cortina de fume para esconder a incompetencia do goberno bipartito”

    “A situación económica global do Concello é netamente positiva e a imposición dunha nova taxa á veciñanza, coa aprobación de todas as forzas da dereita, é unha cortina de fume coa que se quere xustificar o novo imposto e o grao de ineficacia do goberno BNG-PSOE”, asegurou hoxe a concelleira de AporM, Mónica Peralba.

    A concelleira de AporM saía así ao paso das declaracións formuladas polo actual goberno nas que tentaba xustificar unha serie de medidas, entre elas o establecemento dunha nova taxa por licencias urbanística, “por un desaxuste orzamentario por importe de 56.876,90 €”.

    Peralba aclara que un desaxuste orzamentario “non é unha débeda como quere facer crer o executivo local”. “Non se lle debe esa cantidade a ninguén, é simplemente un reaxuste que hai que facer orzamentariamente”, apunta.

    AporM asegura estar sorpendido polo feito de que “por unha banda o Goberno local busque o xeito de poñer en entredito a xestión do anterior goberno, tentando xustificar o novo gravame que terá que pagar a veciñanza”, engade a concelleira independente que o propio Plan Económico, sinala textualmente que:

    …a situación global do Concello de Mondariz é netamente positiva, tal e como o corroboran as diferentes magnitudes obtidas da liquidación (aforro bruto, aforro neto e remanente de tesourería para gastos xerais todos eles positivos) así como a estabilidade orzamentaria da mesma…”

    “O remanente de tesourería é positivo, existe aforro neto, a estabilidade orzamentaria é positiva (ou sexa que o Concello ten capacidade de financiamento) e cúmprese o Período Medio de Pago a Provedores que para as entidades locais está en 60 días e no Concello de Mondariz está en menos de 35 días”. Ésta é, recalca Peralba, a “mala situación económica que xustifica a imposición dunha nova taxa”.

    Finalmente, a concelleira de AporM chama a atención sobre o problema para que a regra de gasto “que é soamente un indicador” saíra negativo que non é outro que “facer o cálculo coa liquidación do ano 2018 pero co orzamento en vigor, é dicir, o prorrogado do 2017”. Orzamento prorrogado, lembra Mónica Peralba “polo bloqueo insistente da oposición que só respondía a intereses partidistas e políticos, sen importarlles as necesidades de Mondariz”.

    De feito, remata a concelleira de Alternativa por Mondariz, se no 2018 houbera un orzamento aprobado “coa actualización dos tributos do Estado (non contemplados nos orzamentos do 2017) pero que o concello recibe e coas altas do padrón que o Concello realizou de oficio, tampouco contempladas no 2017, a regra de gasto xa non sería negativa”.

    Recomenda, polo tanto, Peralba ao Goberno BNG-PSOE “que non busquen xustificar con datos económicos terxiversados a realidade da situación que non é outra que buscar o medio para, co apoio de toda a dereita, establecer unha nova carga impositiva á veciñanza”. E remata dicindo que “ogallá a situación económica que atopou Alternativa por Mondariz no 2015 fose similar a actual”.

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.