Xoán Carlos Montes Bugarín, portavoz do grupo municipal de Alternativa por Mondariz, vén de presentar un escrito no Rexistro do Concello de Mondariz solicitando a retirada da biomasa que “unha empresa contratada polo Concello” está a almacenar dentro do recinto do campo de fútbol da Lagoa.
Considera Montes Bugarín “totalmente inadecuado” que se utilicen ditas instalacións xuntar biomasa “por canto pode provocar accidentes entre os deportistas así como incendios (fortuítos ou provocados” que poñan en risco a integridade dos nenos e nenas que alí practican deporte”.
Doutra banda, Xoán Carlos Montes solicita que os traballos de recollida e limpezas periódicas dos puntos verdes do concello “se faga con medios municipais xa que o Concello posúe un camión para ese fin” e, engade “coa periodicidade precisa para evitar a acumulación de biomasa que padecemos na actualidade”.