10 C
Pontevedra
Venres, 1 de Marzo de 2024
Máis
    HomeO CondadoMondarizAporM denuncia que o Concello de Mondariz exclúe do 'Campaverán' a familias...

    AporM denuncia que o Concello de Mondariz exclúe do ‘Campaverán’ a familias que coidan a persoas dependentes

    “É a primeira vez que un alcalde de Mondariz exclúe aos nenos e nenas de Mondariz Balneario, unha decisión totalmente lamentable e equivocada” destaca Xoán C. Montes Bugarín

    O goberno municipal de Mondariz vén de facer públicas as Bases que rexen a convocatoria para participar no Campaverán 2020 incluída no programa de conciliación persoal, familiar e laboral «Mondariz concilia»”. Alternativa por Mondariz denunciou que “quedaron fóra moitos nenos e nenas de Mondariz cuxos pais e nais coidan a persoas dependentes, que é un traballo en toda regra, aínda que non estea retribuído”, apuntou o portavoz de AporM, Xoán Carlos Montes Bugarín que engadiu que, “nesta situación hai moitas familias”. “Se un dos proxenitores traballa tampouco pode matricular aos seus fillos nesta actividade, o que constitúe unha inxustiza notable”.

    Montes Bugarín chama tamén a atención sobre o feito de que no artigo 3 das bases, “por primeira vez desde que existe este programa hai máis dun lustro, exclúe aos nenos e nenas do Concello de Mondariz Balneario, que sempre tiveron as portas abertas desta actividade xa que a súa participación contribuía a financiala e facela viable tecnicamente, sen que isto supuxese a exclusión de ningún neno ou nena censado en Mondariz”.

    O portavoz de Alternativa por Mondariz preguntará ao alcalde no próximo pleno ordinario se cre que con este tipo de políticas Mondariz ten futuro. “Mondariz e Mondariz Balneario son, a moitos efectos, un único concello; –afirma Xoán Carlos Montes Bugarín– compartimos servizos, actividades culturais e formativas, todo; por iso as políticas de exclusión e discriminación condenan a Mondariz a estar fóra da realidade”.

    AporM asegura que o municipio “non merece un goberno que exclúe e pecha o paso ás familias que necesitan conciliar, senón un goberno que integre, que sume e dea facilidades a quen o necesita, máxime cando esta medida non supón ningún prexuízo para os censados en Mondariz”.

    19 inscritos para 50 prazas

    O pasado día 22, data na que remataba o prazo para inscribirse, o Concello tiña rexistrados unicamente a 19 solicitantes, cando o número tope de participantes é de 50, segundo as mesmas bases. Esta pobre inscrición acredita, en opinión de Montes Bugarín, “que a decisión do alcalde e o goberno municipal de Mondariz foi equivocada, polo que deben rectificar xa”.

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.