28.5 C
Pontevedra
Domingo, 3 de Xullo de 2022
Máis
    HomeO CondadoMondarizA depuradora de Vilasobroso, unha obra mal proxectada que precisa de máis...

    A depuradora de Vilasobroso, unha obra mal proxectada que precisa de máis recursos municipais para comezar a funcionar

    A electrificación desta estación depuradora de augas residuais non foi incluída no proxecto inicial da obra, financiada pola Deputación de Pontevedra no marco do Plan Concellos 2018-2019.

    O Goberno de Mondariz continúa traballando para dotar de conexión eléctrica á estación depuradora de augas residuais construída a finais do ano pasado en Vilasobroso para dar servizo a unha decena de vivendas dos barrios da Pena e do Cruceiro. Esta necesaria actuación para poñer en funcionamento a nova instalación do servizo municipal de saneamento non estaba incluída no proxecto orixinal, financiado polo Plan Concellos 2018-2019 da Deputación de Pontevedra e iniciado, porén, durante a lexislatura anterior.

    “Esta obra deu moitísimos problemas ao Concello porque foi unha obra mal proxectada. Houbo que construír cinco pozos filtrantes que non estaban planificados inicialmente para cumprir coas esixencias da CHMS en materia de filtración de augas residuais e acadar a autorización pertinente para poder proceder á licitación da obra”, explica Xosé Emilio Barros, alcalde de Mondariz.

    As modificacións esixidas para acadar autorizacións sectoriais supuxeron atrasos e solicitudes de prórrogas para rematar a obra en tempo. Malia que a subvención concedida para esta obra ascendía a 157.718 euros, as empresas que concursaron durante o proceso de licitación rebaixaron ata 20.188 euros ese importe. Executada e xustificada a obra, o Concello de Mondariz solicitou o reinvestimento desta cantidade na electrificación da instalación, mais a Deputación non o permitiu porque xa se tiñan esgotado todas as prórrogas. “Isto aconteceu en moitos concellos con proxectos arrastrados desde 2018. En Mondariz tamén ocorreu cunha obra na antiga escola unitaria de Redo, na parroquia de Vilar”, sinala Barros.

    Cando comece a funcionar, a depuradora de Vilasobroso dará servizo de saneamento a non máis de dez vivendas dos barrios da Pena e do Cruceiro. Trátase dunha estación depuradora que funciona con humedais artificiais. Como a necesaria electrificación da instalación non estaba incluída no proxecto orixinal financiado pola Deputación de Pontevedra, o Concello de Mondariz traballa agora na contratación dunha segunda obra de conexión eléctrica con recursos propios. “Segundo os orzamentos solicitados, esta actuación requerirá un investimento adicional superior aos 10.000 euros”.

    No marco do mesmo programa de financiación, o ano pasado tamén foi construída unha depuradora de augas residuais na parroquia de Mouriscados para dar servizo a vivendas do barrio de Poñe. “Neste caso tampouco estaba incluída a electrificación da instalación no proxecto orixinal, pero puidemos poñela en funcionamento porque coincidiu que había un transformador eléctrico ao lado”, sinala o alcalde.

    O desenvolvemento do saneamento de Mondariz pasa por conectar a rede municipal á EDAR de Mondariz-Balneario

    En materia de saneamento, o Goberno de Mondariz continúa insistindo na necesidade de conectar o colector xeral de augas residuais á Estación Depuradora de Augas Residuais (EDAR) construída en Mondariz-Balneario hai máis de quince anos para dar servizo a uns 6.000 habitantes, a poboación conxunta dos dous concellos. “Malia que seguimos incluíndo máis barrios na rede de saneamento municipal –recentemente aproveitamos unhas obras de mellora de asfaltado en Queimadelos para deixar instalado o saneamento nesa zona–, é necesario ter acceso á EDAR para que todo funcione e non se acabe vertendo ao río”, comenta Barros.

    COLABORACIÓNS

    ¡Hogueras de San Juan!

    Ha pasado la noche de San Juan y parece que todo vuelve a la normalidad. Si, porque se han vuelto a ver grupos de gente en las playas como si el virus no hubiera existido nunca. Me pregunto, si también será culpa de Rusia que el virus hubiera desparecido, porque ya todo el mundo está actuando como si nada. ¡Ah! espera, en los hospitales sigue habiendo gente ingresada con el covid y que todos los días sigue falleciendo enfermos a causa de esta enfermedad... pero ya no es noticia porque en la prensa apenas aparece en letra pequeña.

    Marilar Aleixandre, «Unha presa de terra»

    Se fai só algunhas semanas dabamos conta neste mesmo espazo dunha reedición ampliada da novela «Sobrevivindo», coa que Arantza Portabales gañara un coñecido premio de novela por entregas organizado por un xornal galego, o que hoxe traemos é un caso que semella calcado daquel.

    Nueva oportunidad para las aguas del río Tea

    Aprovechar nuestros recursos y sacar de ellos el mayor rendimiento posible es una estrategia de gestión que conviene seguir. De manera sencilla, se trata de potenciar aquello que ya tenemos, intentando hacerlo mejor y más atractivo, sin necesidad de comprar o importar elementos nuevos o extraños. Se trata de aplicar, por tanto, la eficiencia.

    Summer is coming

    Últimamente me está costando ser constante y escribir el último domingo de cada mes (aún gracias que ser puntual fue uno de los numerosos propósitos que me marqué para este 2022), así que os dejo el texto que correspondería al mes de mayo.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    13 POSTS0 COMMENTS
    Manrique Fernández
    66 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS