7.6 C
Pontevedra
Venres, 29 de Marzo de 2024
Máis
    HomeO CondadoAs NevesO alcalde das Neves propón ao de Arbo a creación do parque...

    O alcalde das Neves propón ao de Arbo a creación do parque forestal en San Fins

    Xosé Manuel Rodríguez Méndez, alcalde das Neves, mantivo unha conversa telefónica co alcalde de Arbo, Horacio Gil, para reiterarlle o ofrecemento de colaboración de todos os medios co que conta o concello nevense para loitar contra o lume, intencionado, que dende o pasado sábado afecta a Arbo e que arrasou máis de 400 hectáreas.

    Na mesma conversa, o alcalde das Neves subliñiou a necesidade de insistir na creación dun gran parque forestal en San Fins, que xa se plantexara en 2018. Trátrase, subliñou, dunha zona que está afectada polo lume que leva activo dous días e que tamén ardera con intensidadeen 1996, 2006 e 2016.

    Xosé Manuel Rodríguez plantexou a Horacio Gil a necesidade de presentarlle ao presidente do Goberno galego, Alfonso Rueda, este proxecto que abrangue preto de 500 hectáreas, nesta área común de Arbo e As Neves especialmente sensible aos incendios que, insiste Rodríguez, “precisa dun esforzo para a súa repoboación e reconstrución de xeito ordenado, como modo de tentar acabar coa dinámica dos lumes”.

    Este lugar, lembrou. acolle no seu centro o coñecido parque no que se celebra unha das romerías ancentrais da comarca, precisamente este 1 de agosto, a que se achegan milleiros de persoas.

    O alcalde das Neves insiste na importancia de crear esta zona verde e de facelo dende a colaboración e impulso dos dous concellos, da Deputación de Pontevedra e da Xunta de Galicia, ademáis do consenso e o traballo imprescindible das comunidades de montes de San Cibrán, Sela, Vide e Cabeiras.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.