10.4 C
Pontevedra
Xoves, 28 de Marzo de 2024
Máis
    HomeO CondadoAs NevesFatma Galia Ali elixida nas Neves a primeira muller presidenta da Liga...

    Fatma Galia Ali elixida nas Neves a primeira muller presidenta da Liga de Xornalistas Saharauís

    A nova presidenta, escritora, conferenciantes, xornalista e activista polos dereitos humanos, releva no cargo a Dad Mohamedna

    A activista polos dereitos humanos e comunicadora Fatma Galia Ali é a nova presidenta da Liga de Xornalistas e Escritores Saharauís para Europa. Fatma, escritora, conferenciante e unha das figuras máis activas da cultura e a sociedade saharahuí, foi elixida polos participantes na 5ª asamblea desta organización, reunida durante a pasada fin de semana nas Neves.

    Nesta xuntanza, os xornalistas e escritores avaliaron as iniciativas e accións que emprenderán para trasladar á opinión pública europea a realidade das circunstancias nas que sobrevive a poboación saharahuí, o xeito de sensibilizar a millóns de cidadáns  a resistencia da derradeira colonia en África.

    A convocatoria dos profesionais da información do continente europeo nas Neves, terá continuidade os vindeiros meses en América Latina e tamén en Asia, segundo comentou o presidente da Unión de Xornalistas saharahuis, Nafii Ahmed Mohamed, presente hoxe nas Neves.

    Inaugurada polo alcalde

    Xosé Manuel Rodríguez Méndez, alcalde das Neves, inaugurou o pasado venres esta Asamblea, animando aos asistentes a “romper o cerco mediático” imposto en moitos casos á realidade que viven os saharauís, e animounos  a lograr que se abra paso “una comunicación sen límites que vos permita contar a vosa realidade e a vosa verdade”. 

    “Momento determinante”

    Este foro cobrou especial importancia logo da última postura manifestada polo Goberno españolsobre a resolución da situación do Sáhara, e a resposta de Nacións Unidas pedindo apoio para os esforzos do Enviado para o Sáhara, Staffan de Mistura, “destinados a reanudar o proceso político” de negociación entre as partes en conflito.

    Neste sentido, Fatma Galia Ali recoñeceu que “é un momento dificil para nós, sempre vimos a neutralidade do Estado e do Goberno español, que defendía a postura da ONU e a legalidade internacional, cambiou para defender a ‘vía marroquí’ da autonomía, á normal que o noso pobo estea enfadado e decepcionado e que queramos que se restablezca esa legalidade e que, logo de 46 anos podamos decidir o noso futuro”.

    A nova presidenta lamentou que “as informacións que saen sobre o problema do Sáhara e a situación dos dereitos humanos nos campamentos, cheguen con ‘contagotas” e a opinión pública permaneza “desinformada” polo feito de que hai “moita máis información manipulada que real”. É por isto, engadiu Galia Ali, que “os xornalistas saharuís temos que atopar o xeito de transmitir a verdade sobre o noso pobo, acabar con este ‘ostracismo informativo’ e denunciar as “violacións dos dereitos humanos que se produce nos territorios ocupados”.

    Estes dous días, entre outros persoeiros, participaron nesta asamblea o delegado do Sáhara en Galicia, Mohamed Mehdi Zerga, Maite Isla, presidenta de Solidariedade Galega co Pobo Saharahui, Sidi Brahum, presidente da diáspora saharauí en España,  e interviron por videoconferencia o representante do Frente Polisario para Europa, Ubbi Ubi Buchraya e o ministro do Sáhara para España, Abdulah Arabi. 

    Clausura

    O domingo, día 27, tivo lugar a clausura do encontro coa presenza de alcaldesas e alcaldes da zona do Miño,  responsábeis do  Fondo Galego de Cooperación e Solidaridedade, e do GDR Condado Paradanta, os membros do Intergrupo Paz e Liberdade para o pobo saharaui do Parlamento de Galicia, os deputados Alberto Pazos, Montse Prado e Martín Seco, que estiveron recentemente nos campamentos, e un representante da Xunta de Galicia.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.