19.1 C
Pontevedra
Martes, 16 de Agosto de 2022
Máis
    HomeO CondadoAs NevesA Xunta formaliza a adxudicación dunha parcela de máis de 2.500 metros...

    A Xunta formaliza a adxudicación dunha parcela de máis de 2.500 metros na Plisan ao grupo tecnolóxico Arbinova

    Esta empresa foi unha das tres adxudicatarias da poxa pública convocada polo IGVS en 2019 para sacar ao mercado solo nesta gran área empresarial

    A Xunta de Galicia, a Autoridade Portuaria de Vigo e o Consorcio da Zona Franca asinaron esta mañá co grupo tecnolóxico Arbinova SL as escrituras polas que se lle adxudica formalmente a esta empresa unha parcela de 2.570,9 m2 na Plataforma Loxístico Empresarial de Salvaterra de Miño-As Neves (Plisan). En concreto, a firma accederá ao solo en dereito de superficie con opción a compra por un prazo de 30 anos, sen prexuízo da posible concesión de ata tres prórrogas.

    Arbinova, que traballa no deseño e fabricación innovadora de implantes e instrumental específico para o sector veterinario, foi unha das tres empresas que resultou adxudicataria no proceso de poxa pública convocado polo Instituto Galego da Vivenda e Solo (IGVS) en 2019 para sacar parte da superficie da Plisan ao mercado.

    A adxudicación realizouse en dereito de superficie, unha modalidade que permite ás empresas acceder ao solo a cambio do pago cada ano dunha cantidade reducida por metro cadrado, o que lles facilita financiar a súa instalación e o inicio da actividade. En concreto, o canon anual a abonar equivale ao 1,5% do prezo da parcela durante os dous primeiros anos, ao 2,5% nos anos terceiro e cuarto, e ao 3,5% do prezo a partir do quinto ano.

    En todo caso, os adxudicatarios teñen tamén a opción de adquirir a propiedade da parcela en condicións vantaxosas nos anos seguintes á adxudicación, con dereito a bonificacións e descontando do prezo de venda unha porcentaxe das cantidades xa satisfeitas.

    Cómpre lembrar que o Consello da Xunta aprobou recentemente a oferta de solo empresarial nos seus parques para este ano (1,4 millóns de m2 repartidos en 545 parcelas) así como o mantemento das bonificacións e incentivos que desde 2015 ofrece ás empresas para facilitarlles o acceso a esta superficie. A Xunta é partidaria de manter esas condicións vantaxosas tamén no caso da Plisan, para o que estuda con Zona Franca e o Porto de Vigo a fórmula concreta coa que se comercializarán este ano as parcelas aínda dispoñibles.

    COLABORACIÓNS

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Galicia

    Onte, 25 de xullo, celebrouse na nosa comunidade o día da patria galega, polo que esta publicación vai adicala a ela. Este día festéxase oficialmente dende 1979, ainda que a orixe desta celebración remóntase a 1919.

    Un tour por Marruecos

    He estado un poco desaparecida, pero aquí estoy de nuevo 🙂 En mayo viajé junto con cuatro amigas a Marruecos, hicimos una escapada durante el puente de las Letras Galegas. Fue breve, pero intensa. Nos dió tiempo a aprovechar muy bien esos cinco días y a conocer un trocito de ese país tan especial.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    67 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS