Para despedir a tempada, o adestrador do Balonmán Caselas, Richi, vén de organizar o ‘l Torneo Cadete Concello de Salceda’ que se celebrará este vindeiro sábado 29 de maio, dende as 9:30 horas no Pavillón Municipal de Salceda. O torneo nace coa finalidade premiar ao grupo de xogadoras do BM Caselas que, neste complicado ano, competiron a moi bo nivel.
Os equipos que participan nesta iniciativa que nace con clara vocación de continuidade son o Balonman Cañiza, As Choqueiras de Redondela, Balonman Moaña e EDM Salceda. O torneo está patrocinado por Nueva Belleza e conta coa colaboración de Deportes González, Federación Galega de Balonman, Concello de Salceda e Balonman Caselas. Será o broche final a unha tempada diferente e complicada pero que se superou con éxito grazas ao bo traballo feito pola gran familia que é a do balonmán galego.
Os encontros disputaránse segundo o segundo cadro:
- 09:30 h EDM Salceda – BM Moaña
- 10:30 As Choqueiras – BM Cañiza
- 11:30 Terceiro e carto posto
- 12:30 Final
- 13:30 Entrega de trofeos
Cada partido terá unha duración de 40 minutos, divididos en dúas partes de 20 minutos cada un cun descanso de 5 minutos entre os dos tempos. En cada un deles, cada equipo disporá dun tempo morto. En caso de empate iráse directamente á tanda de penaltis cunha rolda ao mellor de tres lanzamentos. Entre partido e partido haberá un descanso de 15 minutos.
Debido á actual situación sanitaria, o aforo será limitado e quedará restrinxido a un máximo de 20 acompañantes (público) que deberán facilitar os seus datos á entrada da instalación. A organización lembra a necesidade de manter posta a máscara, manter a distancia de seguridade e respectar escrupulosamente o protocolo establecido polo club organizador.
